Búgin Astana Hub-ta «Qazaqtelekom» AQ Basqarma tóraǵasy Baǵdat Mýsin men Brothers Ventures negizin qalaýshy Daniil Libermannyń qatysýymen ashyq pikirtalas ótti. Kezdesý jahandyq tehnologiialyq trendter, Ortalyq Aziiada ónimderdi quryp, keńeitý basymdyqtary, jasandy intellekt dáýirindegi jańa biznes-modelder, sondai-aq álemdik AI-ekonomikada strategiialyq hab retindegi Qazaqstannyń róli talqylandy, dep habarlaidy Dalanews.kz.
Sessiia barysynda spikerler jasandy intellekt tehnologiialarynyń qarqyndy damýy men olardyń jahandyq naryqqa áserin, Qazaqstannyń álemdik deńgeidegi ónimderdi jasaýǵa qabiletti el retindegi áleýetin sóz etti. Qazaqstan búginde damyǵan tsifrlyq infraqurylymdy, qoǵamnyń innovatsiialardy tez beiimdeýge daiyndyǵyn jáne halyqaralyq tehnologiialyq komandalarǵa tartymdy bolatyn ortaǵa ainalý maqsatyn ushtastyryp otyrǵany atap ótildi. Qatysýshylar esepteý qýatyna qol jetkizý máselesine basa nazar aýdardy.
«Bizdi aqyryndap Digital by default halqy dep ataýǵa bolady. Adamdar kez-kelgen tsifrlyq innovatsiiany birden túsinip, jappai qoldana bastaidy. 2018 jyly elimizde kúndelikti saýda-sattyq kezinde turǵyndardyń qolma-qol aqshadan góri, aqsha aýdarymdaryn jasaýǵa bet burǵanyn kórgende tsifrlyq tóńkeris bolǵanyn túsindim. Bul jetilgen tsifrlyq mádeniettiń kórsetkishi», - dep atap ótti «Qazaqtelekom» AQ Basqarma Tóraǵasy Baǵdat Mýsin.
Aǵaiyndy Libermandar Daniel men Devid tehnologiialyq kásipkerler, ári halyqaralyq deńgeidegi investorlar retinde tanymal. Olar oiyn, media jáne tehnologiialyq jobalardy qurý úshin jumys istedi, AQSh-taǵy iri kompaniialarmen yntymaqtastyqta bolyp, Brothers Ventures qory arqyly startap ekojúiesin belsendi túrde damytýda. Libermandardyń negizgi maqsattarynyń biri – tehnologiiany tek iri biznes úshin ǵana emes, barlyǵyna qoljetimdi jáne demokratiialyq etetin quraldardy jasaý.
«Biz Kaliforniiada bolǵanda jabyq keńistikte otyrǵandai, álemdegi naqty ahýaldy jete túsine almaimyz. Endi mine, Qazaqstanda memlekettik qyzmetterden bastap bazalyq tsifrlandyrýǵa deiingi kóptegen protsester AQSh-pen salystyrǵanda alda turǵanyn kórip otyrmyn. Google, NVIDIA jáne Intel siiaqty kompaniialardy qospaǵanda, el kóptegen aspektilerde 50 jyl buryn ómir súredi. Álemniń kóptegen elderi qazirdiń ózinde esepteý qýattylyǵyna úlken kólemde qalai qol jetkizýge bolady dep bas qatyrýda. Mundai resýrstardy qamtamasyz etý múmkindigi bar adam búkil álem paidalanatyn qoldanbalardy jasai alady», - dep atap ótti Brothers Ventures negizin qalaýshy Daniil Liberman.
Daniil Liberman Qazaqstanǵa sapary aiasynda Astana Hub jáne Alem.AI halyqaralyq jasandy intellekt ortalyǵyna bas suqty, jasandy intellekt jáne tsifrlyq damý ministrliginiń basshylyǵymen kezdesti, sondai-aq «Qazaqtelekom» AQ jáne «Samuryq-Qazyna» qorynyń komandalarymen tehnikalyq sessiialar ótkizdi.
