Astana Hub ekojúıesinde júzege asyrylyp jatqan startaptardyń jıyntyq tabysy 2025 jyldyń qorytyndysy boıynsha 103 mlrd teńgeni qurady, dep habarlaıdy Dala News.
Bul týraly Úkimet otyrysynda Jaslan Madıev málimdedi.
«Astana Hub ekojúıesinde 379 AI jobasy júzege asyrylyp jatyr. Startaptardyń jıyntyq tabysy 2025 jyldyń qorytyndysy boıynsha 103 mlrd teńgeni qurady, al jalpy tabys 230 mlrd teńgege jetti. 2025 jylǵy eksport kólemi 3,5 mlrd teńgeden asty, sondaı-aq 5 700 jumys orny quryldy», – dedi ol.
Mınıstrdiń aıtýynsha, bul kórsetkishter Qazaqstanda tehnologıalyq sheshimderdi ázirleý men jasandy ıntellektini ekonomıkanyń túrli salasyna engizýge arnalǵan belsendi ekojúıe qalyptasyp jatqanyn kórsetedi.
