Astana Hub ەكوجۇيەسىندە جۇزەگە اسىرىلىپ جاتقان ستارتاپتاردىڭ جيىنتىق تابىسى 2025 جىلدىڭ قورىتىندىسى بويىنشا 103 ملرد تەڭگەنى قۇرادى، دەپ حابارلايدى Dala News.
بۇل تۋرالى ۇكىمەت وتىرىسىندا جاسلان مادييەۆ مالىمدەدى.
«Astana Hub ەكوجۇيەسىندە 379 AI جوباسى جۇزەگە اسىرىلىپ جاتىر. ستارتاپتاردىڭ جيىنتىق تابىسى 2025 جىلدىڭ قورىتىندىسى بويىنشا 103 ملرد تەڭگەنى قۇرادى، ال جالپى تابىس 230 ملرد تەڭگەگە جەتتى. 2025 جىلعى ەكسپورت كولەمى 3،5 ملرد تەڭگەدەن استى، سونداي-اق 5 700 جۇمىس ورنى قۇرىلدى»، – دەدى ول.
ءمينيستردىڭ ايتۋىنشا، بۇل كورسەتكىشتەر قازاقستاندا تەحنولوگيالىق شەشىمدەردى ازىرلەۋ مەن جاساندى ينتەللەكتىنى ەكونوميكانىڭ ءتۇرلى سالاسىنا ەنگىزۋگە ارنالعان بەلسەندى ەكوجۇيە قالىپتاسىپ جاتقانىن كورسەتەدى.
