Elordada QR Prezidentiniń ortalyǵynda «Astana Eurasian Book Fair – 2026» IX Halyqaralyq kitap kórme-jármeńkesiniń saltanatty ashylý rásimi ótti, dep habarlaidy Dalanews.kz.
Ortalyq Aziiadaǵy eń aýqymdy mádeni-aǵartýshylyq sharaǵa memleket jáne qoǵam qairatkerleri, tanymal qalamgerler men sheteldik elshiler qatysyp jatyr.
«Astana Eurasian Book Fair – 2026» kitap kórme-jármeńkesin Mádeniet jáne aqparat ministrligi, Astana qalasynyń ákimdigi jáne «Qazaq Creative» Kreativti indýstriialardy damytý qorynyń qoldaýymen «Foliant» baspasy uiymdastyryp otyr.
«Astana Eurasian Book Fair – 2026» kórmesine 80-nen astam kitap shyǵarý, tanymdyq-ǵylymi bilim berý jáne poligrafiialyq kompaniialar qatysady. Onyń teń jartysy – qazaqstandyq uiymdar. Sondai-aq Qazaqstan, Resei, Túrkiia, Qyrǵyzstan, Ózbekstan, Ázerbaijan, Mońǵoliia, Ispaniia, Qytai, Iran, Belarýs, Portýgaliia, Venesýela, Ulybritaniia elderinen kóptegen uiym qatysqaly otyr.
«Astana Eurasian Book Fair – 2026» kitap kórme-jármeńkesi bes kúndik mádeni-iskerlik baǵdarlamadan turady. Kórme aiasynda jańa kitaptardyń tusaýkeserleri, avtormen kezdesý, avtograf-sessiialar, balalar alańynda arnaiy sheberlik saǵattary ótkiziledi.
Atap aitqanda, Túrkiia Mádeniet jáne týrizm ministrliginiń qoldaýymen jaryq kórgen «Túrik ashanasy» kitabynyń, Bekarys Shoibekovtiń «Aitystyń altyn aidar Bekarysy» aitystar jinaǵynyń, Marjan Ershýdiń «Jalǵyz qol» poemasynyń, «Zamandastar» seriiasymen shyqqan «Eldos Smetov. Tózim. Senim. Jeńis» kitabynyń, Erlan Qojabaevtyń «Qazaq oiýlary» fotoalbomynyń, Anjei Sapkovskiidiń «Mystanger» fantastikalyq shyǵarmasynyń, Ularbek Dáleidiń «Batý han» tarihi romanynyń, Álisher Rahattyń «Iesiz kóleńke», ispan jazýshysy Haver Moronyń «Úmit sapary», Ernest Hemingýeidiń «Qońyraý kimdi joqtaidy», Ázerbaijan aqyny Rásmiia Sabirdiń «Óleń-áiel», Baiyt Qabanulynyń «Mońǵol-óleń» kitabynyń, Nursultan Myqtybaidyń «Aq Jaiyqtyń kóz jasy», sondai-aq «Túrkistan – máńgilik ári árdaiym jańa» jáne «Dimash Qudaibergen. Sheksiz mýzyka» atty kitap-albomdarynyń tanystyrylymy ótedi dep josparlanyp otyr.
Sondai-aq Ulttyq kitap kúni merekesine orai 23 sáýirde Qazaqstan Respýblikasynyń Mádeniet jáne aqparat ministrligi uiymdastyrǵan respýblikalyq «Ulttyq kitap» baiqaýynyń nátijesi boiynsha jeńimpaz baspalardy marapattaý rásimine arnalǵan saltanatty shara ótedi.
Aita keteiik, 22-26 sáýir aralyǵynda Astana qalasyndaǵy Qazaqstan Respýblikasy Prezidentiniń ortalyǵynda «Astana Eurasian Book Fair – 2026» IX Halyqaralyq kitap kórme-jármeńkesi ótedi.
