«Astana – esirtkisiz qala» aktsiiasy aiasynda Saryarqa aýdanynda jeńil atletikalyq júgiris ótti,- dep habarlaidy Dalanews.kz
Osy jolǵy basty ereksheligi – qatysýshylar jańa marshrýt boiynsha baqtaryn synady.
4 shaqyrymdyq qashyqtyqqa jalǵasqan júgiris Arbattaǵy Kenesary han eskertkishiniń aldynan bastalyp, Yryskeldi qajy meshitiniń janynda máresine jetti.
«Astana – esirtkisiz qala» uranymen kezekti júgirisimizdi uiymdastyrdyq. Bul joly júgirý baǵyty jańartyldy. Kezekti ret qatysýshylarymyz Esil ózeniniń boiymen jańa baǵytta júgirdi. Qatysýshylar áserlerimen bólisip, razy bolyp jatyr. Sondai-aq júgirisimiz jii uiymdastyrylsa da medaldarymyz únemi jańartylyp turady. Bunyń ózi qosymsha emotsiia beretindigi sózsiz. Júgiristiń arqasynda qala turǵyndary demalystyń tańyn sportpen bastaýdy ádetke ainaldyryp keledi. Qazirdiń ózinde otbasymen birge tolyqtai qatysatyndardyń sany artyp jatqany anyq baiqalady. Elordamyzda júgirý men velosherýden ózge buqaralyq sporttyń da túrin ótkizýge atsalysyp jatyrmyz», – dedi Astana qalasy ákimdiginiń Sporttyq-buqaralyq is-sharalardy ótkizý direktsiiasy basshysynyń orynbasary Erjigit Óserbai.
Jarysqa 1000-ǵa jýyq áýesqoi júgirýshi qatysyp, 9:00-de 4 shaqyrymdyq qashyqtyqty bastap ketti.
«10 jyldan astam ýaqyt boiy júgirip kelemin. Búginde júgirý ádet bolyp ketti. Salaýatty ómir saltyn ózim arqyly nasihattaǵannyń arqasynda ózge tanystarym da osy joldy tańdady», – dedi jarysqa qatysýshy Jansultan Qaldarov.
Buqaralyq júgiristiń sońynda ádettegidei qatysýshylardyń arasynda velosiped oinatylyp, estelik medal berildi.
