Elordada 25 mamyr kúni «Astana – esirtkisiz qala» uranymen jappai velosherý ótedi. Bul is-shara salaýatty ómir saltyn nasihattap, qoǵamdy mańyzdy áleýmettik bastamalarǵa biriktirýdi maqsat etedi, – dep habarlaidy Dalanews.kz
Velosherý baǵyty 25 shaqyrymdy quraidy. Qatysýshylar Qosshy baǵyty boiyndaǵy ainalma velojoldan bastap, Ilinka (Úrker) turǵyn alabyndaǵy «Jasyl beldeý» saiabaǵynda márege jetedi.
Tirkeý velosherý kúni, iaǵni 25 mamyrda saǵat 07:30-dan 09:00-ge deiin júrgiziledi. Bastalýy – 09:00. Qatysý tegin. Árbir qatysýshy óz velosipedimen kelýi tiis.
Astana qalasynyń Dene shynyqtyrý jáne sport basqarmasynyń baspasóz hatshysy Mádina Aitqalievanyń aitýynsha, bul – sporttyq jarys emes, sondyqtan elordanyń kez kelgen turǵyny men qonaǵy, jasyna qaramastan, sharaǵa qatysa alady.
«Bul – barshaǵa arnalǵan merekelik velosherý. Jas ereksheligine eshqandai shekteý joq. Qatysýshylar tek tirkeý kezinde meditsinalyq anyqtama usynýy qajet. Bul – basty talaptardyń biri. Elorda turǵyndary men qonaqtaryn belsendi qatysýǵa shaqyramyz. Velosherý – salaýatty ómir saltyn nasihattaityn, kóterińki kóńil-kúi syilaityn erekshe oqiǵa bolmaq», – deidi ol.
Uiymdastyrýshylar velosherý sońynda tirkelgen qatysýshylar arasynda lotereia uiymdastyryp, baǵaly syilyqtar oinatylatynyn habarlady.
