ەلوردادا 25 مامىر كٷنٸ «استانا – ەسٸرتكٸسٸز قالا» ۇرانىمەن جاپپاي ۆەلوشەرۋ ٶتەدٸ. بۇل ٸس-شارا سالاۋاتتى ٶمٸر سالتىن ناسيحاتتاپ, قوعامدى ماڭىزدى ەلەۋمەتتٸك باستامالارعا بٸرٸكتٸرۋدٸ ماقسات ەتەدٸ, – دەپ حابارلايدى Dalanews.kz
ۆەلوشەرۋ باعىتى 25 شاقىرىمدى قۇرايدى. قاتىسۋشىلار قوسشى باعىتى بويىنداعى اينالما ۆەلوجولدان باستاپ, يلينكا (ٷركەر) تۇرعىن الابىنداعى «جاسىل بەلدەۋ» ساياباعىندا مەرەگە جەتەدٸ.
تٸركەۋ ۆەلوشەرۋ كٷنٸ, ياعني 25 مامىردا ساعات 07:30-دان 09:00-گە دەيٸن جٷرگٸزٸلەدٸ. باستالۋى – 09:00. قاتىسۋ تەگٸن. ەربٸر قاتىسۋشى ٶز ۆەلوسيپەدٸمەن كەلۋٸ تيٸس.
استانا قالاسىنىڭ دەنە شىنىقتىرۋ جەنە سپورت باسقارماسىنىڭ باسپاسٶز حاتشىسى مەدينا ايتقاليەۆانىڭ ايتۋىنشا, بۇل – سپورتتىق جارىس ەمەس, سوندىقتان ەلوردانىڭ كەز كەلگەن تۇرعىنى مەن قوناعى, جاسىنا قاراماستان, شاراعا قاتىسا الادى.
«بۇل – بارشاعا ارنالعان مەرەكەلٸك ۆەلوشەرۋ. جاس ەرەكشەلٸگٸنە ەشقانداي شەكتەۋ جوق. قاتىسۋشىلار تەك تٸركەۋ كەزٸندە مەديتسينالىق انىقتاما ۇسىنۋى قاجەت. بۇل – باستى تالاپتاردىڭ بٸرٸ. ەلوردا تۇرعىندارى مەن قوناقتارىن بەلسەندٸ قاتىسۋعا شاقىرامىز. ۆەلوشەرۋ – سالاۋاتتى ٶمٸر سالتىن ناسيحاتتايتىن, كٶتەرٸڭكٸ كٶڭٸل-كٷي سىيلايتىن ەرەكشە وقيعا بولماق», – دەيدٸ ول.
ۇيىمداستىرۋشىلار ۆەلوشەرۋ سوڭىندا تٸركەلگەن قاتىسۋشىلار اراسىندا لوتەرەيا ۇيىمداستىرىپ, باعالى سىيلىقتار ويناتىلاتىنىن حابارلادى.
