Elordada salaýatty ómir saltyn nasihattap, qoǵamdy mańyzdy áleýmettik bastamalarǵa biriktirýge baǵyttalǵan «Astana – esirtkisiz qala» atty keń aýqymdy aktsiia aiasynda 13 shilde kúni buqaralyq júgirý ótedi,- dep habarlaidy Dalanews.kz
Is-shara barysynda qatysýshylar 4 shaqyrymdyq qashyqtyqty baǵyndyrady. Júgirý marshrýty Arbattaǵy Kenesary han eskertkishiniń aldynan bastalyp, Yryskeldi Qajy meshitiniń janyndaǵy kópir astynda márege jetedi.
Qatysýshylardy tirkeý júgirý ótetin kúni tańǵy saǵat 07:30-dan 09:00-ge deiin júrgiziledi. Is-sharanyń bastalýy 09:00-ge josparlanǵan. Tirkeý tegin. Qatysýshylar sany 1300 adamǵa jetken jaǵdaida tirkeý toqtatylady.
Qalalyq sport basqarmasynyń baspasóz hatshysy Madina Aitqalieva buqaralyq júgirýdiń sporttyq jarys mártebesine ie emestigin jáne osyǵan bailanysty qala kósheleri jabylmaitynyn atap ótti.
«Is-shara sporttyq jarys bolyp sanalmaidy. Qatysýshylarǵa estelik medaldar tabystalady. Qatysýshylar Esildiń jaǵasyndaǵy Kenesary han eskertkishiniń mańynan bastap, jaǵalaý boiymen júgirip ótip, Yryskeldi Qajy meshitiniń janynda márege jetedi. Sonymen qatar, júgirý sońynda qatysýshylar arasynda baǵaly syilyqtar oinatylady. Qala turǵyndary men qonaqtaryn atalǵan buqaralyq júgirýge belsendi qatysýǵa shaqyramyz», – dedi ol.
