Astana qalasynyń ákimi Jeńis Qasymbek Paralimpiada oiyndarynda el qorjynyna medal salǵan sportshylarmen kezdesip, olardy quttyqtady, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Paralimpiada oiyndarynyń júldegerlerimen kezdesken Jeńis Qasymbek olardyń álemdik sport dodasynda elimizdiń abyroiyn asqaqtatqanyn alǵa tartyt. Solardyń biri hám biregeii Aqmaral Naýatbek. Ol elimizge kópten kútken jeńis syilaǵan sportshy.
– Aqmaral para dziýdodan álem chempiony atanyp, Paralimpiada altynyn jeńip alǵan alǵashqy qazaqstandyq sportshy retinde el tarihyna endi. Saiys kezinde elorda turǵynda Aqmaralǵa jankúier bolǵany anyq. El senimin aqtaǵan sportshymyzdy tuǵyrly jeńisimen shyn júrekten quttyqtaimyn! – dedi Astana qalasy ákimi Jeńis Qasymbek.
Álem aldynda kók týymyzdy jelbiretken taǵy bir elordalyq sportshy – Erǵali Shamei. Paralimpiada Erǵali kúmis medal jeńip aldy. Elordalyq sportshylardyń jeńisiniń artynda toqtaýsyz jattyǵýlar, temirdei tártip, shydamdylyq, jaqyndarynyń, bapkerleriniń qoldaýy, ózine degen senim jatqany anyq.
Óz kezeginde qala basshysy Aqmaral Naýatbekke 3 bólmeli páterdiń sertifikaty men 30 mln teńge aqshalai syiaqy, al onyń jattyqtyrýshysy Aidyn Anapinge 10 mln teńge tabys etti. Al Erǵali Shameige 2 bólmeli páterdiń sertifikaty men 25 mln teńge aqshalai syiaqysy tabystaldy. Al onyń jattyqtyrýshysy Dáýren Orazov myrzaǵa 7 mln teńge tabys etildi. Osy rette aqshalai syiaqy demeýshiler tarapynan berilgenin aita ketýimiz kerek.
Kezdesý barysynda Astana qalasy ákimi sportshylarǵa qoldaý-kómekterin kórsete beretinderin jetkizdi.
– Biz óz tarapymyzdan sportshylarymyzǵa qoldaý kórsetýdi ary qarai da jalǵastyramyz. Sol siiaqty qalanyń sporttyq infraqurylymyn jaqsartyp, buqaralyq sportpen shuǵyldaný úshin, onyń ishinde balalar men jasóspirimderge arnalǵan sport mektepterine tiisti jaǵdai jasaimyz, – dedi Jeńis Qasymbek.
