Astana qalasynyń ákimi Jeńis Qasymbek Instagram paraqshasynda LRT qurylysy qalai júrip jatqany týraly jazdy,- dep habarlaidy Dalanews.kz
«№112 stantsiiaǵa (Abý Dabi Plaza) baryp, LRT qurylysynyń barysymen tanystym. Máselen, Abý Dabi Plazadaǵy №112 stantsiiada jalpy aýdany shamamen 5 myń sharshy metr bolatyn qasbettiń syrtqy metall qańqasyn montajdaý, ary qarai vitrajdar men panelderdi ornatý jumysy júrgizilip jatyr.
Biyl 3-toqsanda synaq jumysyn bastaý úshin osyǵan uqsas jumys barlyq 18 stantsiiada aiaqtalatyn bolady.
Osyǵan deiin estakadanyń qurylysy aiaqtalyp, stantsiialardyń negizgi temirbeton konstrýktsiialary salynǵan. Esil ózeni arqyly ótetin aspaly kópirdiń qurylysy, 101-stantsiianyń qasbettik bóliginiń qurylysy aiaqtaldy. Sol siiaqty LRT quramynyń 19 birligine tapsyrys berildi. LRT jelisi stantsiialarynyń negizgi temirbeton konstrýktsiialarynyń qurylysy 100% aiaqtaldy. №116 jáne №117 stantsiialar arasyndaǵy estakada ýchaskesinde rels jolynyń alǵashqy 500 metri tóseldi.
2025 jyldyń sońyna deiin joldyń joǵarǵy bóliginiń qurylysyn tolyqtai aiaqtaý, onyń ishinde relsterdi tóseý, dabyl jáne bailanys júielerin baptaý, stantsiialardy ishki jáne syrtqy árleý, quramdardy jetkizýmen depo salý josparlanyp otyr.
Sonymen qatar, 2025 jyly Qabanbai batyr dańǵyly men Qaldaiaqov kóshesindegi LRT-nyń astyńǵy estakadalyq bóligin abattandyrý josparlanyp otyr. Biz LRT boiyndaǵy marshrýtty kezeń-kezeńimen abattandyramyz. Mysaly, biyl Qabanbai batyr dańǵylyn áýejaidan Máńgilik el dańǵylyna deiin aýqymdy kógaldandyrý josparlanǵan. Syǵanaq kóshesiniń boiyndaǵy ýchaskede (Qabanbai batyr dańǵylynan Táýelsizdik dańǵylyna deiin) aǵashtar, velojoldar, biryńǵai stildegi kóshe jihazdary ornatylady.
LRT-nyń negizgi aialdamalarynyń janynda – Mega Silk Way SOO, botanikalyq baq jáne «Pokolenie» TK mańynda qala turǵyndarynyń demalysy men ýaqytyn paidaly ótkizýi úshin jańa qoǵamdyq keńistikter ashylady. Olar zamanaýi abattandyrylǵan, qalanyń tartymdy ári yńǵaily oryndarynyń birine ainalady», – dep jazdy Jeńis Qasymbek.
