Elimizdegi tanymal «Naz» memlekettik bi teatry óziniń bolashaǵyn elordamen bailanystyrǵan bolatyn. Óitkeni, teatr elordasy Astanaǵa kóshkennen keiin qurylǵan bolatyn.
Sodan beri teatr Astana qalasymen birge damyp, rýhani kemeldenip keledi. Astana qalasyn, jalpy Qazaqstandy shet memleketterge tanystyrýda «Naz» memlekettik bi teatrynyń alatyn oryny erekshe.
Astana qalasynyń 25 jyldyń mereitoiyna orai óner ujymy «Qazaq jádigerleri» dep atalatyn qazaq halqynyń baǵzy zamandardan beri saqtalyp, urpaqtan-urpaqqa jetken ulttyq qundylyqtaryn horeografiia tilinde usynatyn erekshe formattaǵy qoiylym-kontsertti qala turǵyndary men qonaqtaryna usynyp otyr. Aitýly kontsert 4 shilde kúni ótedi.
Búginde teatr repertýaryndaǵy qaitalanbas qoiylymdar men kontserttik baǵdarlamalar arqyly sheteldik kórermender qazaq eliniń mýzykasy men etnografiiasyn, folklory men qazaq bii óneriniń ereksheligin tanytyp keledi.
Kontsertte qazaqtyń salt-dástúrin pash etetin «Tusaýkeser», «Súiinshi», «Sekirtpe», «Qaiym aitys», «Kóńilashar» syndy erekshe qoiylymdardy kórýge bolady.
Qazaq jigitteriniń batyrlyǵyn, órligin, qaisarlyǵyn beineleitin «Taý uly» bi teatrdyń betke ustar bi qoiylymdarynyń biri. Al qazaq qyzynyń náziktigin, sulýlyǵyn pash etetin «Nazbike», «Ińkár sezim», «Aqqý», «Serpin» bileri kórermen júregin jaýlap alary sózsiz.
Sondai-aq, kontsertte teatr ánshileri halyqaralyq jáne respýblikalyq baiqaýlardyń laýreattary Batima Izenaeva, Zaǵipa Imanǵazieva, Aisultan Basyqara án shyrqaidy.
Búgin qazaq óneriniń jankúierleri bi óneri arqyly ulttyq mádenietke, estetikaǵa, sulýlyqqa, ulttyq rýhty kóteretin múmkindigi bar.
