Almaty qalasyndaǵy «Dostyq» úıinde Qazaqstan halqy Assambleıasy Tóraǵasynyń orynbasary – QR Prezıdenti Ákimshiligi QHA Hatshylyǵynyń meńgerýshisi Marat Ázilhanovtyń Almaty qalasynda turatyn zıaly qaýym ókilderimen kezdesýi ótti, – dep habarlaıdy Dalanews.kz Almaty qalasy ákiminiń baspasóz qyzmetine silteme jasap.

İs-sharaǵa almatylyq shyǵarmashylyq zıaly qaýym ókilderi, belgili jazýshylar men jýrnalıser, eńbek sińirgen qoǵam qaıratkerleri –mádenıetaralyq jáne etnosaralyq birlik salasyndaǵy «Mádenıet pen ónersalasyndaǵy úzdik jumystar men shyǵarmalarúshin» jáne «Ádebıet pen jýrnalısıka salasyndaǵy úzdik shyǵarma úshin» syılyqtarynyń laýreattary qatysty.

Qazaqstan halqy Assambleıasy shyǵarmashylyq zıaly qaýym ókilderine udaıy qoldaý kórsetip keledi. Aıtalyq, bıyl Respýblıka kúni qarsańynda 21 qaıratker mádenıetaralyq jáne etnosaralyq birlikti nyǵaıtý maqsatynda Memleket basshysy belgilegen marapattarǵa ıe boldy.

Qoǵamdaǵy ózekti máselelerdi talqylaýǵa mádenıet jáne óner qaıratkerleri Baımuratova Nurıa, Boqybaev Nurbaqyt, Tátı Aıgúl, Moldaǵalı Farhat, Imanǵalıev Áset, Qurmanbekov Sábıt, Jazýshylar Qýantaev Nurjan, Serebránskıı Iýrıı, Mahsatova Patıgúl, Sarybaev Beıbit, jýrnalıser Qanapánov Baqytjan, Myńjasarqyzy Dınara, Belova Nadejda, Jandildına Tatána, sondaı-aq aqyn ári aýdarmashy Shashkova Lúbov atsalysty.

Kezdesýde Qazaqstan mádenıetin damytyp, eldegi etnosaralyq qatynastardy nyǵaıtýdaǵy shyǵarmashylyqtyń mán-mańyzy men atqaratyn róli sekildi birqatar máseleler talqylanyp, qatysýshylar Qazaqstan halqy Assambleıasy men shyǵarmashylyq zıaly qaýymnyń odan ári jumyla jumys jasaýyna qatysty túrli usynystaryn ortaǵa salyp, pikirlerimen bólisti.