Asqazany temirdi de qorytatyn qus
Tazqara – óte iri qus. Denesiniń uzyndyǵy 1 metr, qos qanatynyń jalpy uzyndyǵy 2,20 metrge deiin jetedi. Eki kóziniń ainalasy men moiny jalańash. Tazqara kóbinese taýly jerlerde tirshilik etip, óleksemen qorektenetini belgili. Ol ólekseniń etin jep, súiegin biteýdei jutatynyn bilemiz.
Mamandardyń aitýynsha, bul qustyń asqazany iri-iri súiekterdi ońai qorytyp jiberedi. Ol ol ma, tipti asqazanyna túsken metaldar da qorytylyp ketedi eken. Buǵan qosa tazqaranyń immýndyq júiesi de óte kúshti bolyp shyqty. Ol oba aýrýy juqqan, qutyrǵan jáne basqa da óte qaýipti juqpaly aýrýlarǵa shaldyqqan jyrtqyshtardyń etimen qorektene beredi eken.
Zertteý jobasynyń avtorlarynyń biri – genetik Chon Paktyń aitýynsha, onyń asqazanynyń munsha qýatty bolýyna asqazan sóliniń qyshqyldylyǵy óte joǵary deńgeide bolýy – basty sebepshi bolsa kerek.
