وڭتۇستىك كورەيا عالىمدارى الەمدەگى اس قورىتۋ جۇيەسى ەڭ كۇشتى تىرشىلىك يەسىن انىقتادى. ول – تازقارا بولىپ شىقتى.

تازقارا – وتە ءىرى قۇس. دەنەسىنىڭ ۇزىندىعى 1 مەتر، قوس قاناتىنىڭ جالپى ۇزىندىعى 2،20 مەترگە دەيىن جەتەدى. ەكى كوزىنىڭ اينالاسى مەن موينى جالاڭاش. تازقارا كوبىنەسە تاۋلى جەرلەردە تىرشىلىك ەتىپ، ولەكسەمەن قورەكتەنەتىنى بەلگىلى. ول ولەكسەنىڭ ەتىن جەپ، سۇيەگىن  بىتەۋدەي جۇتاتىنىن بىلەمىز.

مامانداردىڭ ايتۋىنشا، بۇل قۇستىڭ اسقازانى ءىرى-ىرى سۇيەكتەردى وڭاي قورىتىپ جىبەرەدى. ول ول ما، ءتىپتى اسقازانىنا تۇسكەن مەتالدار دا قورىتىلىپ كەتەدى ەكەن. بۇعان قوسا تازقارانىڭ يممۋندىق جۇيەسى دە وتە كۇشتى بولىپ شىقتى. ول وبا اۋرۋى جۇققان، قۇتىرعان جانە باسقا دا وتە ءقاۋىپتى جۇقپالى اۋرۋلارعا شالدىققان جىرتقىشتاردىڭ ەتىمەن قورەكتەنە بەرەدى ەكەن.

زەرتتەۋ جوباسىنىڭ اۆتورلارىنىڭ ءبىرى – گەنەتيك چون پاكتىڭ ايتۋىنشا، ونىڭ اسقازانىنىڭ مۇنشا قۋاتتى بولۋىنا اسقازان ءسولىنىڭ قىشقىلدىلىعى وتە جوعارى دەڭگەيدە بولۋى – باستى سەبەپشى بولسا كەرەك.