شىمكەنت قالاسىندا جانارماي تاسيتىن جٷك كٶلٸگٸ جول اپاتىنا ۇشىراپ, اۋدارىلعاننان كەيٸن ٶرتەنٸپ كەتتٸ. قۇتقارۋشىلار كٶلٸك كابيناسىنان قازا تاپقان ەر ادامنىڭ دەنەسٸن تاپتى, دەپ حابارلايدى dalanews.kz.
قايعىلى وقيعا 18 قاراشادا شىمكەنت قالاسىنىڭ تۇران اۋدانىنداعى تاشكەنت تاسجولىندا بولعان. شىمكەنت قالالىق تٶتەنشە جاعدايلار دەپارتامەنتٸنٸڭ مەلٸمەتٸنشە, ٶرت تۋرالى حابار قۇتقارۋ قىزمەتٸنە ساعات 15:58-دە تٷسكەن.
وقيعانىڭ قاۋٸپتٸلٸگٸ ەسكەرٸلٸپ, ٶرت سٶندٸرۋ بٶلٸمشەلەرٸ كٷشەيتٸلگەن شاقىرتۋ تەرتٸبٸمەن جٸبەرٸلگەن.
قۇتقارۋشىلار وقيعا ورنىنا جەتكەندە جول-كٶلٸك وقيعاسىنان اۋدارىلعان بەنزوۆوزدى تٷگەلدەي جالىن شارپىعان. جٷك كٶلٸگٸنەن جولعا تٶگٸلگەن جانارماي دا تۇتانىپ, ٶرتتٸڭ تارالۋىنا سەبەپ بولعان. ٶرت سٶندٸرۋشٸلەر جالىندى سٶندٸرۋگە كٸرٸسٸپ, ونىڭ ودان ەرٸ تارالۋىنا جول بەرمەۋ ٷشٸن شارالار قابىلداعان.
"ٶرت سٶندٸرۋ بٶلٸمشەلەرٸ وقيعا ورنىنا جەتكەندە جول اپاتىنان اۋدارىلعان بەنزوۆوز تٷگەلدەي وتقا ورانعان. تٶگٸلگەن جانارماي دا تۇتانعان. ٶرت 60 شارشى مەتر اۋماقتى شارپىدى. كٶلٸك كابيناسىنان قازا تاپقان ەر ادامنىڭ مەيٸتٸ تابىلدى", – دەپ حابارلادى شىمكەنت قالالىق تٶتەنشە جاعدايلار دەپارتامەنتٸ.
ٶرتتٸ سٶندٸرۋ جۇمىستارى بارىسىندا قۇتقارۋشىلار جٷك كٶلٸگٸنٸڭ كابيناسىنان ەر ادامنىڭ مەيٸتٸن انىقتاعان. الدىن الا اقپارات بويىنشا, مارقۇم بەنزوۆوزدىڭ جٷرگٸزۋشٸسٸ بولعان.