Taraptar «Teńizshevroıl» (TSHO) bolashaq keńeıtý jobasyn iske asyrý, Qarashyǵanaq jobasyn keńeıtý jáne Kaspıı qubyr konsorsıýmynyń qýatyn arttyrý perspektıvasy máselelerin talqylady.
Zamanaýı ekologıalyq taza tehnologıalardy qoldaný, áleýmettik jobalardy iske asyrý, densaýlyq saqtaý jáne eńbek qaýipsizdigi salasynda joǵary standarttardyń saqtalýyn qamtamasyz etý máseleleri qaraldy.
«Shevron» úsh iri jobada – Teńiz (50%), Qarashyǵanaq (18%) jáne Kaspıı qubyr konsorsıýmy (15%) jobalarynda aktıvteri bar Qazaqstandaǵy asa iri sheteldik ınvestor.
2020 jyly TSHO-da shıki munaı óndirý kólemi 26,5 mln tonnany qurady. Memleketke $6,6 mlrd kóleminde tikeleı qarjylyq tólemder júzege asyryldy, $3,5 mlrd astam somaǵa qazaqstandyq jetkizýshilerdiń taýarlary men qyzmetteri satyp alyndy.
Bıyl TSHO-da 26,3 mln tonna kóleminde munaı óndirý josparlanýda. 2021 jyldyń 8 aıynda memleketke tólemder $4,9 mlrd qurady. Bolashaq keńeıtý jobasynyń aıaqtalýy 2023 jyldyń sońynda óndirý kólemin jylyna 12 mln tonnaǵa arttyrýǵa múmkindik beredi.
TSHO gazy Atyraý oblysynda polıpropılen (qýaty jylyna 500 myń tonna) jáne polıetılen (jylyna 1,25 mln tonna) óndiretin eki iri gaz-hımıa jobasy úshin shıkizat bolyp otyr.
Kelissóz qorytyndysy boıynsha QR Energetıka mınıstrligi men «Shevron» kompanıasy arasynda Qazaqstanda $248,5 mln kóleminde Tikeleı ınvestısıalar qoryn qurý boıynsha ózara túsinistik týraly memorandýmǵa qol qoıyldy.
Memorandým Qazaqstannyń munaı-gaz salasyndaǵy, qorshaǵan ortany qorǵaý, sondaı-aq aqparattyq jáne sıfrlyq tehnologıalar salasyndaǵy taýar óndirý, jumystardy oryndaý jáne qyzmetterdi usyný jónindegi komersıalyq kásiporyndarǵa ınvestısıa salý jolymen ekonomıkany jáne jergilikti qamtýdy damytý úshin qor qurýdy kózdeıdi.
Qor kapıtalyn Shevronnyń Qazaqstanda alǵan paıdasynyń bir bóligi quraıdy.
Kezdesýge energetıka mınıstri Maǵzum Myrzaǵalıev jáne «QazMunaıGaz» UK» AQ basqarma tóraǵasy Alık Aıdarbaev qatysty.
