Osy josparǵa sáıkes Semeı qalasyna 260,2 mlrd teńge bólinedi. Bul qarajat Semeı qalasynyń áleýmettik-ekonomıkalyq jáne turǵyndardyń ómir súrý sapasyn arttyrýǵa baǵyttalady.
Keshendi jospar 56 is-sharadan turady. Qarajattyń – 98,5 mlrd-y respýblıkalyq búdjetten, 85,5 mlrd-y jergilikti búdjetten, 76,1 mlrd-y jeke ınvestısıalar esebinen bólinedi.
Investısıalar jeti negizgi baǵytty damytýǵa baǵyttalatyn bolady:
kásipkerlik, AÓK, turǵyn úı qurylysy jáne ınjenerlik-kommýnıkasıalyq ınfraqurylym, turǵyn úı-kommýnaldyq sharýashylyq, áleýmettik jáne kólik ınfraqurylymy.
Turǵyn úı qurylysyna jáne ınjenerlik-kommýnıkasıalyq ınfraqurylymǵa 5 jyl ishinde 112,8 mlrd.teńge bólinedi.
Satyp alý quqyǵynsyz 44 kóp qabatty jalgerlik úı, Qaraǵaıly turǵyn aýdanynda 89 kóp qabatty nesıelik úı salynatyn bolady.
Áleýmettik salany damytýǵa-47,1 mlrd. teńge, onyń ishinde bilim berýge-14 mlrd.teńge (4 mektep pen 4 balabaqsha qurylysy), 18 mektepti kúrdeli jóndeýge jáne 30 bilim berý nysanyn jańa modıfıkasıaly kabınettermen jaraqtandyrýǵa bólinedi.
Densaýlyq saqtaý salasyna - 21,4 mlrd.teńge, onyń ishinde qarajattyń negizgi bóligi oblystyq onkologıalyq dıspanserdiń Radıologıalyq ortalyǵynyń qurylysyn aıaqtaýǵa, 200 tósek-oryndy balalar aýrýhanasynyń qurylysyn jáne 80 tósek-oryndy emhana men ońaltý stasıonarynyń qosymsha qurylysyn salýǵa jumsalady.
Áleýmettik qorǵaý salasyna 4,1 mlrd.teńge baǵyttalatyn bolady, onyń ishinde polıgondaǵy synaqtardan zardap shekken múmkindikteri shekteýli adamdarǵa arnalǵan ońaltý ortalyǵynyń qurylysy (150 tósek-orynǵa arnalǵan) basty nysan bolady. 7,5 mlrd.teńge mádenıet jáne sport salasyna bólinetin bolady, onda ınvestısıa úshin negizgi baǵyttar Prırechnoe aýylyndaǵy mádenıet úıin qaıta qurý, Qaraǵaıly turǵyn aýdanyndaǵy 300 oryndyq Muz modýliniń qurylysy bolady.
Kólik ınfraqurylymyn damytýǵa 33,6 mlrd.teńge, atap aıtqanda avtojoldardy kúrdeli, ortasha jáne aǵymdaǵy jóndeýge (122 km), qoǵamdyq kólikti jańartýǵa (170 birlik avtobýs satyp alýǵa), aspaly kópirdi qaıta jańartýǵa bólinetin bolady.
Keshendi jospardyń is-sharalaryn iske asyrý 2025 jylǵa qaraı JÓÓ kólemin 1,6 esege (naqty mánde) nemese nomınaldy mánde 300 mlrd teńgege deıin ulǵaıtýǵa múmkindik beredi. 4 myńnan astam jańa jumys orny ashylady, aýyl sharýashylyǵy óniminiń kólemi 19% - ǵa artyp, 43 mlrd teńgeni quraıdy.
2025 jyldyń qorytyndysy boıynsha jaqsy jáne qanaǵattanarlyq jaǵdaıdaǵy joldardyń úlesi 73,6% - dan 95% - ǵa deıin artady.
"Semeı qalasy eldiń mádenı jáne rýhanı murasynda jáne táýelsiz Qazaqstannyń tarıhynda erekshe oryn alady. Elbasy N. Nazarbaev osy aımaqqa, Semeı qalasyna erekshe qamqorlyq kórsetýde.
Buǵan deıin Elbasynyń tapsyrmasy boıynsha Semeıdiń 2013-2017 jyldarǵa arnalǵan áleýmettik-ekonomıkalyq damýynyń keshendi jospary qabyldandy. Ony iske asyrý jáne basqa da baǵdarlamalar esebinen sońǵy bes jylda ónerkásip óndirisiniń kólemi 38% – ǵa, aýyl sharýashylyǵy ónimi – 63% – ǵa, bólshek taýar aınalymy – 1,6 ese, negizgi kapıtalǵa ınvestısıa-1,4 ese, búdjet kólemi-1,8 ese ósti. Sońǵy jyldary halyq sanynyń ósýiniń oń dınamıkasy baıqalady", — dedi A. Mamın.
Úkimet Basshysy Keshendi josparda kózdelgen is-sharalardyń ýaqtyly jáne sapaly oryndalýy jóninde tıisti sharalar qabyldaýdy, sondaı-aq qarajattyń ýaqtyly jáne tıimdi paıdalanylýyn baqylaýdy qamtamasyz etýdi tapsyrdy.
Sondaı-aq, sapar aıasynda Mamın qala aktıvimen jáne Abaıdyń 175 jyldyǵyn ótkizýge daıyndyq máseleleri boıynsha keńes ótkizdi.
Premer-Mınıstr Úkimet halyqaralyq, respýblıkalyq jáne óńirlik deńgeılerde 500-den astam is-sharalardy qamtıtyn jospardyń oryndalýyn erekshe baqylaýǵa alatynyn atap ótti.
"Elbasy mereıtoıdy memlekettik deńgeıde atap ótetinimizdi atap ótti. Abaı eline álemniń túkpir-túkpirinen qonaqtar keledi. Sondyqtan bizdiń basty mindetimiz – josparlanǵan barlyq is-sharalardy uıymdastyrý jáne laıyqty ótkizý", - dedi A. Mamın.
QR Tuńǵysh Prezıdenti – Elbasy Nursultan Nazarbaevtyń bastamasymen iske asyrylatyn "Nurly jer" memlekettik baǵdarlamasy men IIDMB júzege asyrylýyn, sondaı-aq Memleket Basshysy Qasym-Jomart Toqaevtyń Semeı qalasyn áleýmettik-ekonomıkalyq damytý jónindegi tapsyrmalarynyń oryndalýyn baqylaý aıasynda A. Mamın "SemAz" jáne "Daewoo Bus Kazakhstan" JSHS avtoqurastyrý kásiporyndarynyń qyzmetimen, aýqymdy mádenı-sporttyq keshen, sondaı-aq "Qaraǵaıly" shaǵyn aýdanyndaǵy kóp páterli turǵyn úıler qurylysynyń barysymen tanysty.
Sondaı-aq, Asqar Mamın Óskemen qalasyndaǵy eki joǵary tehnologıalyq medısınalyq ortalyq- elimizdegi tuńǵysh robotohırýrgıa ortalyǵy men onkologıa jáne hırýrgıa ortalyǵynda boldy.
SHQO ákimi Danıal Ahmetov elimizdiń Premer-Mınıstrine óńirdiń densaýlyq saqtaý salasyn damytýdyń keshendi josparyn júzege asyrý nátıjeleri týraly aıtty, onyń aıasynda úsh jyl ishinde oblystyń aýrýhanalary 26 mlrd. teńgege zamanaýı medısınalyq jabdyqtarmen jaraqtandyrylǵan.
Bul rette dárigerlerdi zamanaýı tehnıkany qoldana otyryp emdeýdiń jańa ádisterine úıretýge kóp kóńil bólinedi. Eýropanyń jetekshi klınıkalarynda barlyǵy 276 dáriger onkologıa, kardıologıa, bosandyrý jáne balalyq shaq, aýdandyq aýrýhanalardyń bas dárigerlerine arnalǵan menejment baǵyttarynda oqytyldy. Bul maqsatqa 3,7 mlrd teńge bólindi.
