Aýdannyń jalpy kólemi - 203 ga. Turǵyn úi qory 787,7 myń m2 quraidy. Búgingi kúni shaǵyn aýdanda 25 000-nan astam adam turady. 720 oqýshyǵa arnalǵan fizika-matematika baǵytyndaǵy Nazarbaev Ziiatkerlik mektebi salyndy.
Memlekettik-jeke menshik seriktestik aiasynda 320 oryndyq balabaqsha salyndy. Quny-872,198 mln. teńge.
Qaraǵaily shaǵyn aýdanynda búgingi kúni jalpy aýdany 111,965 myń sh. m. 20 úi paidalanýǵa berildi.
2019 jyly jalpy aýdany 95,883 myń sharshy metr 1269 páter bolatyn 18 úidiń qurylysy bastaldy.
Asqar Mamin shaǵyn aýdanda salynyp jatqan segiz úidiń qurylys barysymen tanysty. Sondai-aq, munda úsh mektep, alty balabaqsha, muz modýliniń jáne ońaltý ortalyǵynyń qurylysy qarastyrylǵan.
Premer-ministr Qaraǵaily shaǵyn aýdanyndaǵy biregei sport kesheninde bolyp, bul qazaqstandyqtardyń bos ýaqytyn tiimdi ótkizýge qajetti nysandar ekenin atap ótti.
Sport kesheniniń qurylysy 2017 jyly bastaldy. Aýqymdy mádeni-sporttyq sharalardy ótkizý josparlanǵan úlken zal bes myń orynǵa eseptelgen. Qasbetti qaptaý "jeldetiletin qasbettiń"printsipi boiynsha aliýminii panelderimen oryndalǵan.
Barlyq halyqaralyq standarttar boiynsha salynǵan keshen sporttyń ár túri boiynsha jarystar ótkizýge múmkindik beredi. Bassein týrnirler, júzý, akvaaerobika, sý doby jáne sýǵa sekirý, halyqtyń saýyqtyrý júzýine arnalǵan. Sport ǵimaratynyń jalpy aýdany 33,8 myń sharshy metrdi quraidy. Iri keshenniń qurylysyn otandyq kompaniia "Firma Aziia"JShS júzege asyrdy.
Jobanyń jalpy quny 26 milliard teńge.
Úkimet basshysy Semei qalasynda Abai Qunanbaevtyń 175 jyldyǵyna arnalǵan is-sharalarǵa alys jáne jaqyn shetelderden kelgen qonaqtar kóp bolatynyn atap ótti. Sondyqtan mereitoilyq sharalardy laiyqty deńgeide ótkizý qajet.
