Asqar Mámin Arystaǵy jumyspen tanysty
QR Indýstriia jáne infraqurylymdyq damý ministrliginiń málimetteri boiynsha, Arys qalasynda jóndeý jumystarynyń 99,3%-y aiaqtaldy. Nysandarda 134 qurylys kompaniiasy, 3,8 myńnan astam jumysshy jumys isteýde jáne 211 arnaiy tehnika tartylǵan.
Arysta 68 áleýmettik nysan ornalasqan (bilim berý, densaýlyq saqtaý jáne sport mekemeleri), olardyń 64-i – kúrdeli jóndeýdi jáne 4-eýi – tolyqtai qalpyna keltirýdi talap etti. Búginde 62 nysanda jumystar aiaqtaldy.
QR Úkimetiniń «Arys-1» temir jol vokzalynyń jóndeýden ótken ǵimaraty men onyń aldyndaǵy skverdi aralap kórdi, "Arys mineraldy sý" qalpyna keltirilgen kásipornyna bardy, Arys qalasynda úileri tolyǵymen qiratylǵan 100 otbasyǵa arnalǵan 50 eki páterli kottedjden turatyn jańa shaǵyn aýdannyń qurylysy barysymen tanysty. Barlyq úiler aiaqtalý satysynda tur, ishki árleý jumystary jáne úi jabdyqtaryn ornatý jumystary júrgizilip jatyr. Asqar Mamin Arys qalasyndaǵy qaita salynǵan jeke úilerge kirip, olardyń turǵyndarymen áńgimelesti.
Túrkistan qalasynda QR Premer-Ministri bolashaq halyqaralyq áýejaidyń qurylys alańynda boldy. Joba túriktiń YDA Holding kompaniiasymen birlesip júzege asyrylyp jatyr. Terminaldyń ótkizý qabileti jylyna 3 mln jolaýshyny quraidy. Nysandy kelesi jyldyń sońynda paidalanýǵa berý kózdelgen.
QR Úkimetiniń basshysyna ákimshilik, áleýmettik, tarihi jáne mádeni mańyzdaǵy nysandar qurylysynyń barysy týraly baiandaldy. Asqar Mamin ákimdik, media ortalyq, kongress-holl ǵimarattaryn, «Nur-Sultan» alańyn, Tuńǵysh Prezident saiabaǵy, Olimpiadalyq rezervtiń sport mektebin, mýzyka mektebin, basseini bar mektep saraiyn, neke saraiyn, halyqqa qyzmet kórsetý ortalyǵynyń ǵimaratyn, sonymen qatar attraktsiondary bar qalalyq saiabaqty, mýzykalyq fontandy, amfiteatr, salynyp jatqan tarihi-mádeni ortalyqtyń, kelý ortalyǵynyń, Shyǵys monshasynyń, qalalyq Arbattyń qurylys alańdaryn aralady.
Jumys sapary barysynda QR Úkimetiniń basshysyna Túrkistan qalasyn salýdyń Bas jospary kórsetilip, Túrkistan oblysynda júzege asyrylyp jatqan investitsiialyq jobalar tanystyryldy.
