Qorǵanys ministrligi áleýmettik jelilerde áskeri qyzmetshige qatysty zańsyz áreketter beinelengen videoroliktiń taralýyna málimdeme taratty, dep habarlaidy Dalanews.kz.
Áleýmettik jelide áskerde sarbazdarǵa qol jumsalǵan sát túsirilgen video tarady.
«Atalǵan beinematerial – «Qyrǵyzfilm» kinostýdiiasy túsirgen «Batken» kórkem filminiń úzindisi jáne Qazaqstan Respýblikasynyń Qarýly Kúshterine eshqandai qatysy joq. Rolikke qazaq tilindegi dybysjol jasandy intellekttiń dipfeik tehnologiiasy arqyly júktelgen.
BAQ ókilderi men áleýmettik jeli qoldanýshylaryn tekserilmegen aqparatty taratpaýǵa jáne tek resmi derekkózderge senýge shaqyramyz. Jalǵan aqparat taratqany úshin qylmystyq jaýapkershilik qarastyrylǵanyn eskertemiz», - delingen habarlamada.
