قورعانىس مينيسترلىگى الەۋمەتتىك جەلىلەردە اسكەري قىزمەتشىگە قاتىستى زاڭسىز ارەكەتتەر بەينەلەنگەن ۆيدەوروليكتىڭ تارالۋىنا مالىمدەمە تاراتتى، دەپ حابارلايدى Dalanews.kz.
الەۋمەتتىك جەلىدە اسكەردە ساربازدارعا قول جۇمسالعان ءسات تۇسىرىلگەن ۆيدەو تارادى.
«اتالعان بەينەماتەريال – «قىرعىزفيلم» كينوستۋدياسى تۇسىرگەن «باتكەن» كوركەم ءفيلمىنىڭ ءۇزىندىسى جانە قازاقستان رەسپۋبليكاسىنىڭ قارۋلى كۇشتەرىنە ەشقانداي قاتىسى جوق. روليككە قازاق تىلىندەگى دىبىسجول جاساندى ينتەللەكتتىڭ ديپفەيك تەحنولوگياسى ارقىلى جۇكتەلگەن.
ب ا ق وكىلدەرى مەن الەۋمەتتىك جەلى قولدانۋشىلارىن تەكسەرىلمەگەن اقپاراتتى تاراتپاۋعا جانە تەك رەسمي دەرەككوزدەرگە سەنۋگە شاقىرامىز. جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلعانىن ەسكەرتەمىز»، - دەلىنگەن حابارلامادا.
