Bas múfti Naýryzbai qajy Taǵanuly Almatyǵa arnaiy kelip dini basqarmaǵa tiesili arnanyń tusaýyn kesken. Sharaǵa esimi elge belgili azamattar qatysyp, jańa arnaǵa qutty bolsyn aitysqan edi.
Al QMDB-nyń baspasóz qyzmeti:
«Karantin kezinde onlain nasihat jumystarynyń mańyzy artty. Degenmen aqparat ǵasyrynda jańa tehnologiiany igerip, nasihat júrgizý men aqapart taratýdyń televiziialyq tásilin Ózimizden basqarýdy uiǵardyq. Osyǵan orai QMDB janynan respýblikalyq "Halyq arna" atty tól telearnamyzdy ashqaly otyrmyz», – degen habar taratqan-tuǵyn.
Álgi jańalyqtan keiin álemjelide "búginge deiin dini ýaǵyz-nasihat júrgizgen "Asyl arna" osymen jabyla ma? Álde "Halyq arna" Tazabekov jetekshilik etetin "Asylǵa arnaǵa" alternativa bola ma?" degen saýaldyń tóńireginde qyzý pikirtalas órbidi.
Buǵan "Asyl arna" telekanalynyń bas direktory Muhamedjan Tazabekov jaýap qatyp, arnanyń dini kontenten bas tartatynyn, onyń ornyna jańa kontent, jańa kontseptsiia ázirlenip jatqanyn aitqan eken. Bul týraly ol Facebook-tegi paraqshasynda keńinen tarqatyp jazdy.
Muhamedjan Tazabek (03.11.2020 j):
- Búgin, tústen keiin múftiiattyń Almatydaǵy bas ǵimaratynda tarihi jiyn ótti. QMDB ǵulamalar keńesiniń kezekti keńesi bas qosyp, oǵan men qonaq retinde shaqyryldym. Keleli keńes mańyzdy máselelerge arnaldy.
Pandemiia kezindegi otandastarymyzdyń rýhani qajettiligin qamtý, jamaǵat arasyndaǵy túsinýshilik pen keri aǵymdardyń jolyn kesý máseleleri talqylandy.
Atap aitqanda, Abai men Máshhúr Júsip, Mailyqoja men Shah-Kárimder sekildi danalar ustanǵan Mátrýdi aqidasynyń qazirgi qazaq rýhaniiatyndaǵy altyn qazyq oryny men Hanafi mazhabynyń tyǵyryqtan shyǵarar tuǵyrly qasietteri sóz boldy.
Men de shyny kerek, osy kúnge deiin tolyq jaýaby berilmegen, núktesi qoiylmaǵan, qoǵam tarapynan týyndap júrgen suraqtarǵa búgingi berekeli jiynda ashyq, aiqyn jaýap taýyp, júregim ǵulamalar nasihaty men ýaǵyzynan qanaǵat tapty.
Aqidamyz Mátrýdi, mazhabymyz Hanafi, qara shańyraǵymyz Múfiiat degen ustanymmen, yntymaq-birlikpen jiyn sońynda tarqastyq.
Biraz ýaqyt buryn Bas múfti Naýryzbai qajy Taǵanulymen kezdeskende búgin ǵana tusaýy kesilip jatqan «Halyq arna» dini kanaly jaiynda sóilesken bolatynbyz.
«Eger dini kanal ashyp jatsańyzdar, «Asyl arnany» jaýyp, orynyna basqa arna ashamyn, al, dini kontentterdi basy bútin ózderińizge tapsyramyn», dep aitqan bolatynmyn.
Sebebi, dini ýaǵyzben dini basqarma tolyqtai ózderi ainalysqany jón. Qazir burynǵydai emes, dini basqarmanyń kadrlyq, qarjylyq quzyreti dini arnanyń qyzmetin qamtýǵa jetkilikti.
Syrt kózden de artyq suraq týyndamai, bir bulaqtan aqparat tarqaýy elge de yńǵaily.
Al, on jyl buryn biz arna ashqan kezde aldymyzda salystyratyn, úlgisin alatyn mundai joba bolmaǵan. Qatty qinaldyq, izdendik, artyq aittyq, kem aittyq, halyqpen keńese júrip osy kúnge jettik.
Ol kezde efirde qumarlyq nasihattalsa da quran oqylmaityn, mazań qashatyn áýen bolsa da azan aitylmaityn.
Qanshama ata-apalarymyz suqbat tyńdap, jastarymyz rýhani taǵylym úirenip, qanshama baǵdarlamalardy balalarymyzben birge otyryp uialmai kórdik...
Allaǵa shúkir, dini basqarma tolysyp, osynshalyq aýyr júk, dini amanatty moiynymyzdan alyp jatqanyna qýanyshtymyz. «Halyq arnaǵa» aq jol, shyǵarmashylyq tabys tileimiz.
Al, «Asyl arna» jyl aiaǵyna deiin jańa kontseptsiiasyn daiyndap, óz kórermenderine «Tálimtv» degen jańa atpen jol tartyp, ary qarai áleýmettik - otbasylyq, ǵylymi - tanymdyq, mádeni - aǵartýshylyq baǵytta qyzmetin jalǵastyrady. Ári kórermenderge áleýmettik roldik modelderdi usynatyn motivatsiialyq konservativti alańǵa ainalady.
Halyqtyń rýhani qyzmetine jarap, aqyndyǵymyz ben uiymdastyrýshylyq qabiletimizdi el igiligine paidalana alsaq, bul da bir Allanyń bergen uly nyǵmeti. Alla barshamyzǵa berekesin jaýdyrsyn!
