باس مٷفتي ناۋرىزباي قاجى تاعانۇلى الماتىعا ارنايى كەلٸپ دٸني باسقارماعا تيەسٸلٸ ارنانىڭ تۇساۋىن كەسكەن. شاراعا ەسٸمٸ ەلگە بەلگٸلٸ ازاماتتار قاتىسىپ, جاڭا ارناعا قۇتتى بولسىن ايتىسقان ەدٸ.
ال قمدب-نىڭ باسپاسٶز قىزمەتٸ:
«كارانتين كەزٸندە ونلاين ناسيحات جۇمىستارىنىڭ ماڭىزى ارتتى. دەگەنمەن اقپارات عاسىرىندا جاڭا تەحنولوگييانى يگەرٸپ, ناسيحات جٷرگٸزۋ مەن اقاپارت تاراتۋدىڭ تەلەۆيزييالىق تەسٸلٸن ٶزٸمٸزدەن باسقارۋدى ۇيعاردىق. وسىعان وراي قمدب جانىنان رەسپۋبليكالىق "حالىق ارنا" اتتى تٶل تەلەارنامىزدى اشقالى وتىرمىز», – دەگەن حابار تاراتقان-تۇعىن.
ەلگٸ جاڭالىقتان كەيٸن ەلەمجەلٸدە "بٷگٸنگە دەيٸن دٸني ۋاعىز-ناسيحات جٷرگٸزگەن "اسىل ارنا" وسىمەن جابىلا ما? ەلدە "حالىق ارنا" تازابەكوۆ جەتەكشٸلٸك ەتەتٸن "اسىلعا ارناعا" التەرناتيۆا بولا ما?" دەگەن ساۋالدىڭ تٶڭٸرەگٸندە قىزۋ پٸكٸرتالاس ٶربٸدٸ.
بۇعان "اسىل ارنا" تەلەكانالىنىڭ باس ديرەكتورى مۇحامەدجان تازابەكوۆ جاۋاپ قاتىپ, ارنانىڭ دٸني كونتەنتەن باس تارتاتىنىن, ونىڭ ورنىنا جاڭا كونتەنت, جاڭا كونتسەپتسييا ەزٸرلەنٸپ جاتقانىن ايتقان ەكەن. بۇل تۋرالى ول Facebook-تەگٸ پاراقشاسىندا كەڭٸنەن تارقاتىپ جازدى.
مۇحامەدجان تازابەك (03.11.2020 ج):
- بٷگٸن, تٷستەن كەيٸن مٷفتيياتتىڭ الماتىداعى باس عيماراتىندا تاريحي جيىن ٶتتٸ. قمدب عۇلامالار كەڭەسٸنٸڭ كەزەكتٸ كەڭەسٸ باس قوسىپ, وعان مەن قوناق رەتٸندە شاقىرىلدىم. كەلەلٸ كەڭەس ماڭىزدى مەسەلەلەرگە ارنالدى.
پاندەمييا كەزٸندەگٸ وتانداستارىمىزدىڭ رۋحاني قاجەتتٸلٸگٸن قامتۋ, جاماعات اراسىنداعى تٷسٸنۋشٸلٸك پەن كەرٸ اعىمداردىڭ جولىن كەسۋ مەسەلەلەرٸ تالقىلاندى.
اتاپ ايتقاندا, اباي مەن مەشھٷر جٷسٸپ, مايلىقوجا مەن شاھ-كەرٸمدەر سەكٸلدٸ دانالار ۇستانعان مەترۋدي اقيداسىنىڭ قازٸرگٸ قازاق رۋحانيياتىنداعى التىن قازىق ورىنى مەن حانافي مازحابىنىڭ تىعىرىقتان شىعارار تۇعىرلى قاسيەتتەرٸ سٶز بولدى.
مەن دە شىنى كەرەك, وسى كٷنگە دەيٸن تولىق جاۋابى بەرٸلمەگەن, نٷكتەسٸ قويىلماعان, قوعام تاراپىنان تۋىنداپ جٷرگەن سۇراقتارعا بٷگٸنگٸ بەرەكەلٸ جيىندا اشىق, ايقىن جاۋاپ تاۋىپ, جٷرەگٸم عۇلامالار ناسيحاتى مەن ۋاعىزىنان قاناعات تاپتى.
اقيدامىز مەترۋدي, مازھابىمىز حانافي, قارا شاڭىراعىمىز مٷفييات دەگەن ۇستانىممەن, ىنتىماق-بٸرلٸكپەن جيىن سوڭىندا تارقاستىق.
بٸراز ۋاقىت بۇرىن باس مٷفتي ناۋرىزباي قاجى تاعانۇلىمەن كەزدەسكەندە بٷگٸن عانا تۇساۋى كەسٸلٸپ جاتقان «حالىق ارنا» دٸني كانالى جايىندا سٶيلەسكەن بولاتىنبىز.
«ەگەر دٸني كانال اشىپ جاتساڭىزدار, «اسىل ارنانى» جاۋىپ, ورىنىنا باسقا ارنا اشامىن, ال, دٸني كونتەنتتەردٸ باسى بٷتٸن ٶزدەرٸڭٸزگە تاپسىرامىن», دەپ ايتقان بولاتىنمىن.
سەبەبٸ, دٸني ۋاعىزبەن دٸني باسقارما تولىقتاي ٶزدەرٸ اينالىسقانى جٶن. قازٸر بۇرىنعىداي ەمەس, دٸني باسقارمانىڭ كادرلىق, قارجىلىق قۇزىرەتٸ دٸني ارنانىڭ قىزمەتٸن قامتۋعا جەتكٸلٸكتٸ.
سىرت كٶزدەن دە ارتىق سۇراق تۋىنداماي, بٸر بۇلاقتان اقپارات تارقاۋى ەلگە دە ىڭعايلى.
ال, ون جىل بۇرىن بٸز ارنا اشقان كەزدە الدىمىزدا سالىستىراتىن, ٷلگٸسٸن الاتىن مۇنداي جوبا بولماعان. قاتتى قينالدىق, ٸزدەندٸك, ارتىق ايتتىق, كەم ايتتىق, حالىقپەن كەڭەسە جٷرٸپ وسى كٷنگە جەتتٸك.
ول كەزدە ەفيردە قۇمارلىق ناسيحاتتالسا دا قۇران وقىلمايتىن, مازاڭ قاشاتىن ەۋەن بولسا دا ازان ايتىلمايتىن.
قانشاما اتا-اپالارىمىز سۇقبات تىڭداپ, جاستارىمىز رۋحاني تاعىلىم ٷيرەنٸپ, قانشاما باعدارلامالاردى بالالارىمىزبەن بٸرگە وتىرىپ ۇيالماي كٶردٸك...
اللاعا شٷكٸر, دٸني باسقارما تولىسىپ, وسىنشالىق اۋىر جٷك, دٸني اماناتتى مويىنىمىزدان الىپ جاتقانىنا قۋانىشتىمىز. «حالىق ارناعا» اق جول, شىعارماشىلىق تابىس تٸلەيمٸز.
ال, «اسىل ارنا» جىل اياعىنا دەيٸن جاڭا كونتسەپتسيياسىن دايىنداپ, ٶز كٶرەرمەندەرٸنە «تەلٸمتۆ» دەگەن جاڭا اتپەن جول تارتىپ, ارى قاراي ەلەۋمەتتٸك - وتباسىلىق, عىلىمي - تانىمدىق, مەدەني - اعارتۋشىلىق باعىتتا قىزمەتٸن جالعاستىرادى. ەرٸ كٶرەرمەندەرگە ەلەۋمەتتٸك رولدٸك مودەلدەردٸ ۇسىناتىن موتيۆاتسييالىق كونسەرۆاتيۆتٸ الاڭعا اينالادى.
حالىقتىڭ رۋحاني قىزمەتٸنە جاراپ, اقىندىعىمىز بەن ۇيىمداستىرۋشىلىق قابٸلەتٸمٸزدٸ ەل يگٸلٸگٸنە پايدالانا الساق, بۇل دا بٸر اللانىڭ بەرگەن ۇلى نىعمەتٸ. اللا بارشامىزعا بەرەكەسٸن جاۋدىرسىن!
