Kaspi.kz basshysy Mihail Lomtadze bul týraly bylai dedi: «Biz eldegi eń tanymal sýper-qosymsha Kaspi.kz-ke innovatsiialyq qyzmetterdi turaqty túrde qosyp otyramyz. Búgin biz barlyq qazaqstandyqtarǵa sport klýbtaryna, basseinderge, kafeler men basqa da qoǵamdyq oryndarǵa barýǵa múmkindik beretin Ashyq qyzmetin Kaspi.kz qosymshasyna qosamyz. Biz memleketpen seriktestikte súiikti klientterimizge pandemiia kezinde belsendi ómir súrýge, al qazaqstandyq bizneske qaýipsizdik sharttaryn saqtai otyryp jumys isteýge kómekteskenimizge qýanyshtymyz».
Baǵdat Mýsin, tsifrlyq damý, innovatsiialar jáne aeroǵarysh ónerkásibi ministri:
«Ashyq qyzmeti bizneske pandemiia kezinde jumys isteýge, al bizge – súiikti demalys oryndaryna baryp, ádettegi ómir saltymen ómir súrýge múmkindik berdi. Biz atalǵan qyzmet eldegi eń tanymal qosymshalarda paida bolady dep ýáde bergen edik. Búgin ol Kaspi.kz klientterine de qoljetimdi boldy. Biz el turǵyndary aldyndaǵy jaýapkershilikti sezinemiz jáne biznesti qorǵaý men qazaqstandyqtar arasynda virýstyń taramaýyna bar kúshimizdi salamyz».
Jańa qyzmetti paidalaný úshin Kaspi.kz qosymshasynda Kaspi QR-dy ashyp, Ashyq jobasyna qatysatyn nysan, mekemeniń kire berisindegi QR-kodty skanerleý jetkilikti. Odan keiin smartfon ekranynda qoǵamdyq orynǵa kirý nemese shekteý bary týraly aqparat paida bolady:
- Qaýipsiz – shekteý joq, PTR-test teris;
- Beitarap – PTR-test mindetti oryndardan basqa jerge shekteý joq;
- Virýs juqtyrǵandarmen bailanysy bar – nysandarǵa kirýge jartylai tiym salynǵan;
- Juqtyrǵan – qoǵamdyq oryndarǵa kirýge tiym salynady. PTsR-test oń.
Eger kirýge ruqsat berilse, nysan qyzmetkerine ýaqytsha ruqsattamany kórsetip, 5 minýt ishinde kirý kerek.
Óz statýsyńyzdy kez-kelgen ýaqytta Kaspi.kz qosymshasynda QR-kodty skanerleýsiz teksere alasyz. Ol úshin «Memlekettik qyzmetter – Ashyq. Koronavirýs boiynsha statýs» bólimine kirý kerek.
Joba Kaspi.kz jáne «UAT» AQ aqparattyq júieleriniń yqpaldasýy nátijesinde iske qosyldy.
Buǵan deiin Kaspi.kz komandasy tsifrlyq damý ministrligimen birlesip Kaspi.kz sýper-qosymshasynda JK ashý jáne avtokólikti qaita tirkeý jobalaryn sátti júzege asyrdy.
