Kaspi.kz باسشىسى ميحايل لومتادزە بۇل تۋرالى بىلاي دەدى: «ءبىز ەلدەگى ەڭ تانىمال سۋپەر-قوسىمشا Kaspi.kz-كە يننوۆاسيالىق قىزمەتتەردى تۇراقتى تۇردە قوسىپ وتىرامىز. بۇگىن ءبىز بارلىق قازاقستاندىقتارعا سپورت كلۋبتارىنا، باسسەيندەرگە، كافەلەر مەن باسقا دا قوعامدىق ورىندارعا بارۋعا مۇمكىندىك بەرەتىن Ashyq قىزمەتىن Kaspi.kz قوسىمشاسىنا قوسامىز. ءبىز مەملەكەتپەن سەرىكتەستىكتە سۇيىكتى كليەنتتەرىمىزگە پاندەميا كەزىندە بەلسەندى ءومىر سۇرۋگە، ال قازاقستاندىق بيزنەسكە قاۋىپسىزدىك شارتتارىن ساقتاي وتىرىپ جۇمىس ىستەۋگە كومەكتەسكەنىمىزگە قۋانىشتىمىز».
باعدات مۋسين، سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى:
«Ashyq قىزمەتى بيزنەسكە پاندەميا كەزىندە جۇمىس ىستەۋگە، ال بىزگە – سۇيىكتى دەمالىس ورىندارىنا بارىپ، ادەتتەگى ءومىر سالتىمەن ءومىر سۇرۋگە مۇمكىندىك بەردى. ءبىز اتالعان قىزمەت ەلدەگى ەڭ تانىمال قوسىمشالاردا پايدا بولادى دەپ ۋادە بەرگەن ەدىك. بۇگىن ول Kaspi.kz كليەنتتەرىنە دە قولجەتىمدى بولدى. ءبىز ەل تۇرعىندارى الدىنداعى جاۋاپكەرشىلىكتى سەزىنەمىز جانە بيزنەستى قورعاۋ مەن قازاقستاندىقتار اراسىندا ۆيرۋستىڭ تاراماۋىنا بار كۇشىمىزدى سالامىز».
جاڭا قىزمەتتى پايدالانۋ ءۇشىن Kaspi.kz قوسىمشاسىندا Kaspi QR-دى اشىپ، Ashyq جوباسىنا قاتىساتىن نىسان، مەكەمەنىڭ كىرە بەرىسىندەگى QR-كودتى سكانەرلەۋ جەتكىلىكتى. ودان كەيىن سمارتفون ەكرانىندا قوعامدىق ورىنعا كىرۋ نەمەسە شەكتەۋ بارى تۋرالى اقپارات پايدا بولادى:
- ءقاۋىپسىز – شەكتەۋ جوق، پتر-تەست تەرىس؛
- بەيتاراپ – پتر-تەست مىندەتتى ورىنداردان باسقا جەرگە شەكتەۋ جوق؛
- ۆيرۋس جۇقتىرعاندارمەن بايلانىسى بار – نىساندارعا كىرۋگە جارتىلاي تيىم سالىنعان؛
- جۇقتىرعان – قوعامدىق ورىندارعا كىرۋگە تيىم سالىنادى. پسر-تەست وڭ.
ەگەر كىرۋگە رۇقسات بەرىلسە، نىسان قىزمەتكەرىنە ۋاقىتشا رۇقساتتامانى كورسەتىپ، 5 مينۋت ىشىندە كىرۋ كەرەك.
ءوز ستاتۋسىڭىزدى كەز-كەلگەن ۋاقىتتا Kaspi.kz قوسىمشاسىندا QR-كودتى سكانەرلەۋسىز تەكسەرە الاسىز. ول ءۇشىن «مەملەكەتتىك قىزمەتتەر – Ashyq. كوروناۆيرۋس بويىنشا ستاتۋس» بولىمىنە كىرۋ كەرەك.
جوبا Kaspi.kz جانە «ۇات» اق اقپاراتتىق جۇيەلەرىنىڭ ىقپالداسۋى ناتيجەسىندە ىسكە قوسىلدى.
بۇعان دەيىن Kaspi.kz كومانداسى سيفرلىق دامۋ مينيسترلىگىمەن بىرلەسىپ Kaspi.kz سۋپەر-قوسىمشاسىندا جك اشۋ جانە اۆتوكولىكتى قايتا تىركەۋ جوبالارىن ءساتتى جۇزەگە اسىردى.
