Ashysai aýylynda ken óndirý kásiporny iske qosylady
Qarjy kepilde turǵan ǵimaratty satyp alýǵa, qujattamalardy retteýge baǵyttalypty. Endigi kezekte quny 3 mln AQSh dollary bolatyn qural-jabdyqtar satyp alynyp, ken óndirý kásiporny óz jumysyn bastamaq. Atalǵan kásiporyn iske qosylǵan ýaqytta 200-ge jýyq adam jumyspen qamtylady dep josparlanýda. Bul týraly Kentaý qalasynyń ákimi Ábdibaqyt Maqulbaev aýyl turǵyndary aldyndaǵy eseptik kezdesýinde aitty, - dep habarlaidy qala ákiminiń baspasóz qyzmeti.
Búginde jobalaý smetalyq qujattamalary ázirlenip jatqanyn aitqan «Ashysai taý-ken kombinaty» JShS direktory Nysanbai Kenjebaev aqpan, naýryz aiynda zaýytty qaita tirkeý jáne zańdastyrý jumystary júrgiziletinin jetkizdi.
– Tabiǵatty qorǵaý jaiyn standarttarǵa sáikestendiremiz. Bul jumystardyń barlyǵyn atqarý úshin ýaqyt kerek. 25 jylǵa qabyldanyp otyrǵan baǵdarlama boiynsha joba jer qoinaýyndaǵy qazba bailyqtardy igerý maqsatynda júzege asady. Joba boiynsha 200-ge jýyq adam jumyspen qamtylady. Jyl sońynda kásiporyn óz jumysyn bastaidy dep kútilýde, – dedi Nysanbai Kenjebaev.
Osy rette qala basshysy jyl sońyna deiin jergilikti turǵyndardy arnaiy baǵdarlamalar boiynsha oqytyp, mamandyqtaryn sáikestendirý jumystaryn júzege asyrý qajettigin atap ótti.
Eseptik kezdesýde turǵyndardyń suraqtaryna keń kólemdi jaýap bergen Á.Maqulbaev sala mamandaryna atqarylýy tiis naqty tapsyrmalardy júktep, aldaǵy mindetterdi naqtylady.
OQO ákiminiń baspasóz qyzmeti
https://dalanews.kz/31712
