Zergerlik buiymdardy satyp alý syltaýymen alaiaqtyq jasady degen kúdikke ilingen áiel Túrkiiadan qaitaryldy, dep habarlaidy Dalanews.kz.
Bas prokýratýra men Interpol Ulttyq ortalyq biýrosy QR Syrtqy ister ministrliginiń járdemdesýimen Túrkiia Respýblikasynan birneshe ret alaiaqtyq jasaǵany úshin izdeýde júrgen Qazaqstan Respýblikasynyń azamatyn elge qaitardy.
Kúdikti 2024 jyly Qyzylorda qalasynda jábirlenýshilerge zergerlik buiymdardy tómen baǵamen satyp alyp beremin dep ýáde berip, aldaý jolymen olardyń aqshalaryn iemdengen. Onyń qylmystyq áreketteri saldarynan 8 adam japa shegip, olarǵa jalpy somasy shamamen 130 mln teńgege materialdyq zalal kelgen.
"Qylmystardy jasaǵannan keiin kúdikti el aýmaǵynan tys jerge boi tasalap, oǵan halyqaralyq izdeý jariialanǵan. Júrgizilgen izdestirý is-sharalary barysynda ol Túrkiia Respýblikasynyń aýmaǵynda ustaldy. Qazir kúdikti tergeý izoliatoryna qamaldy", - dep jazylǵan habarlamada.
