Almaty oblysy «Qoǵamdyq kelisim jáne damý ortalyǵy» KMM oblystyq ámbebap kitaphanaǵa 400 danaǵa tarta kitapty tartý etti, dep habarlaidy Dalanews.kz. Kitaphana qoryn tolyqtyrǵan bul jazbalar, saiasi qýǵyn-súrgin qurbandaryn tolyq aqtaý jónindegi memlekettik komissiia zerdelegen aqparattarmen tolyqqan.
Ainalasy 3 jyldyń ishinde tarihshylar qundy hám qupiia derekterdi jinaqtaǵan, bul rette Almaty oblysyna qatysty tarih qoinaýynda qalǵan málimetter de basylǵan.
Kitaptyń qos tomyn Almaty oblysynda qýǵyn-súrgin jyldaryndaǵy jaiytqa arnaǵan Almaty oblystyq óńirlik komissiianyń jumys tobynyń jetekshisi Erkin Imanǵazyuly atalmysh kitapty jaryqqa shyǵarý isine «bul-arhivtegi revoliýtsiia» dep baǵa berdi.
«Óńirlik komissiia músheleri osy ýaqyt aralyǵynda tyń málimetterdi arhivten kóterdi. Tóte jazýdan kirrilitsaǵa aýdarý úshin aýdarmashylar da jumyldyryldy. Bilgen adamǵa tarihtan artyq asyl qundylyq joq. Meniń oiymsha, jumys toby óziniń maqsatyna jetti. Bul ómirsheń joba bolady dep senemin», - dedi Erkin Imanǵazyuly.
Tarihi jazbany tabystaǵan «Qoǵamdyq kelisim jáne damý ortalyǵynyń basshysy Elbosyn Abai jaryq kórgen týyndy óziniń súiikti oqyrmanyn tabatynyn aitty.
«Hákim Abai «Artyq bilim kitapta» deidi. Sondyqtan sapaly kitap qashanda qajet. Sol sebepti, búgin bizder, 400 danaǵa jýyq kitapty Almaty oblystyq ámbebap kitaphanasyna tabystadyq. Kitaphana qory taǵy bir asyl muramen tolyqty dep aitýǵa bolady. Ótkensiz-tarih, búginsiz-bolashaq joq. Sondyqtan, óńirlik komissiia músheleri bolǵan , kitap shyǵarýǵa at salysqan ár janǵa aitar alǵysymyz bólek»,-dedi Elbosyn Abai.
Aita keteiik, saiasi qýǵyn-súrgin qurbandaryn tolyq aqtaý jónindegi memlekettik óńirlik komissiiaǵa 10 adam múshe bolǵan. Olar taban aýdarmastan ultqa qajetti qundylyqty jinaqtap, 52 tomnan turatyn kitap shyǵaryp, bútin eldiń ótkenin túgendedi.
