Áleýmettik jelide jýrnalisterdiń kontentine qatysty syn aityldy. Jeli qoldanýshylarynyń biri media ókilderin shoý-biznes ókilderimen suhbatty azaityp, qoǵamǵa paidaly salalardyń mamandaryna kóbirek nazar aýdarýǵa shaqyrdy, dep habarlaidy Dalanews.kz.
Dinara Sátjan jáne ózge de jýrnalisterge qarata jazba jariialaǵan jeli qoldanýshysy óner adamdarynyń qatysýymen jasalatyn materialdar kórermendi jalyqtyrǵanyn aitqan. Onyń pikirinshe, birsaryndy ári mazmuny jeńil áńgimeler aýditoriianyń qyzyǵýshylyǵyn tómendetedi.
Sondai-aq, jazba avtory oqyrmandardy da belsendilik tanytpaýǵa úndegen. Ol kórermen azaisa, jýrnalister de stýdiiaǵa estrada juldyzdaryn jii shaqyrýdy doǵarady dep sanaidy.
Jeli qoldanýshysy suhbatty ǵalymdarmen, IT mamandarymen, dárigerlermen, pedagogtarmen, kásipkerlermen, investorlarmen jáne saiahatshylarmen kóbirek uiymdastyrýdy usynǵan.
Pikir áleýmettik jelide qyzý talqylanyp jatyr.
