Eks-sheneýnik 2023 jyly 20 maýsymda asa iri kólemde para aldy degen kúdikpen bas bostandyǵynan aiyryldy. Keiin onyń advokaty Mustahim Tóleevke de alaiaqtyq jasady degen aiyp taǵyldy.
Sonymen qatar Sybailas jemqorlyqqa qarsy is-qimyl agenttigi Muhamediulynyń jubaiy Ǵaliia Ysqaqova para berýge oqtalǵanyn málimdedi.
Antikordyń habarlaýynsha, Tóleev eks-sheneýniktiń jazasyn jeńildetý jáne qamaýdan bosatý úshin onyń áielinen 460 myń dollar kóleminde para alyp, ony sottyń laýazymdy qyzmetkerlerine usynbaq bolǵan. Tergeý barysynda atalmysh somanyń 255 myń dollary tárkilendi.
Keiin Arystanbek Muhamediulyna qatysty taǵy bir sot otyrysy ótti.
Osyǵan bailanysty elordada Arystanbek Muhamediuly, Oljas Hairýllaev, Abai Satybaldin, Leonid Kochetov, Almas Nurazhan, Azamat Kóshenov, Aiym Sádýaqasova jáne Gúlzat Jýaspaevaǵa qatysty negizgi sot protsesi jalǵasýda. Tergeýde eki másele qarastyrylýda. Biri - “Diplomat” qonaqúiine jasalǵan reid, ekinshisi - “Altyn adamnyń sherýi” kórmesin ótkizýge bailanysty tergeý. Aiyptaýshy tarap kórmege qatysty jańa jaǵdailardyń anyqtalǵanyn aitty. Alaida aiyptalýshylar kinásin moiyndaýdan bas tartyp otyr.
Tergeýshilerdiń aitýynsha, burynǵy qojaiyn 2019 jyly Muhamediulynan kómek suraǵan. Osy tusta Muhamediuly jábirlenýshige 2,5 milliard teńge bólip, kásiptiń 71 paiyzyn senimdi basqarýshyǵa berýdi talap etken. Sodan soń eks-sheneýnik qonaqúidi túgel baqylaýǵa alýdy uiǵarǵan.
2023 jyldyń 20 maýsymynda “Altyn adamnyń álem mýzeilerine sherýi” halyqaralyq kórmesiniń jobasyn júzege asyrý kezinde qarjy jymqyrǵany úshin Arystanbek Muhamediuly ómir boiyna memlekettik qyzmette eńbek etý quqyǵynan aiyrylyp, 8 jylǵa qamaýǵa alyndy. Sondai-aq memlekettik nagradalarynan da aiyryldy. Al onyń orynbasary Almas Nurazhan, “Eksponat” JShS direktory Azamat Kóshenov jáne osy kompaniianyń esepshisi Aiym Sádýaqasova 7 jylǵa bas bostandyǵynan aiyryldy. Sot Mádeniet ministrliginiń azamattyq talap aryzyn ishinara qanaǵattandyryp, 43 million teńgeni birlesip óndirýdi mindettedi.
2023 jyldyń 5 shildesinde Muhamediulynyń advokaty Mustahim Tóleev eki aiǵa qamaýǵa alyndy.
Ol burynǵy mádeniet ministriniń isi boiynsha para aldy degen kúdikke ilindi. Sheneýniktiń áieli Ǵaliia Ysqaqova da tergeldi. Antikor burynǵy Mádeniet ministriniń «Kóshpendi» filmi úshin bekinistiń satylýyna qatystylyǵyn tekserip jatyr.
2024 jyldyń qańtarynda qylmystyq is sotqa tústi.
Arystanbek Muhamediuly qylmystyq kodekstiń 24-baby 3-bóligi (qylmysqa oqtalý) – 367-baby 4-bóligi (para berý) boiynsha kúdikke ilingen. Áieli Ǵaliia Ysqaqova 368-baptyń 1-bóligi (paraqorlyqqa deldal bolý), Mustaqym Tóleev 190-baptyń 4-bóligi 2-tarmaǵy (alaiaqtyq) boiynsha sotqa tartylǵan. Sot otyrysynda advokat qylmystyq-protsestik kodekstiń talaptary buzylǵanyn alǵa tartyp, isti prokýratýraǵa qaitarýdy surady. Al Ǵaliia Ysqaqovaǵa qatysty “úiqamaqta ustaý” túrindegi bultartpaý sharasyn “elden shyqpaý túrindegi qolhatqa” aýystyrýdy surady.
Eske salaiyq, eks-sheneýnik Arystanbek Muhamediulyna qatysty 2023 jyldan beri birneshe qylmystyq is sotta qaralyp jatyr. Ulttyq mýzeige qatysty is boiynsha eks-ministr 8 jylǵa sottaldy.
Sýret “Azattyq radiosynan” alyndy
