Úkimet otyrysynda Premer-ministr Oljas Bektenov jekemenshik mektepter men meditsinalyq uiymdardy sýbsidiialaýdaǵy alaiaqtyqqa qarsy kúres jónindegi sharalardy pysyqtaýǵa bir apta ýaqyt berdi, dep habarlaidy Dalanews.kz.
Úkimet basshysy áleýmettik sala mańyzdy baǵyt bolyp qala beretinin atap ótti.
"Suhbattyń aýqymdy bóligi áleýmettik máselelerge arnalǵan. Memleket basshysynyń tapsyrmasyna sáikes, barlyq áleýmettik mindettemeler tolyq kólemde oryndalatyn bolady", — dep atap ótti Oljas Bektenov.
Bul rette Premer-ministr Oqý-aǵartý, Densaýlyq saqtaý jáne Qarjy ministrlikterine bir apta ishinde jekemenshik mektepter men jekemenshik meditsinalyq uiymdardy sýbsidiialaý saiasatyn qaita qaraýǵa qatysty naqty usynystar engizýdi tapsyrdy.
Sonymen qatar jekemenshik mektepter men jekemenshik meditsinalyq uiymdardy sýbsidiialaý saiasatyn qaita qaraý qajettigine nazar aýdardy.
"Artyq qarjylandyrýdy toqtatý qajet. Adal básekelestikte jumys istei almasa bizge mundai biznestiń qajeti bar ma? Bul salada alaiaqtyq keńinen taralyp ketkeni bárine málim.
Oqý-aǵartý, Densaýlyq saqtaý jáne Qarjy ministrlikterine bir apta ishinde atalǵan máselelerdi sheshýge qatysty naqty usynystar engizýdi tapsyramyn",- dep atap ótti Oljas Bektenov.
Odan bólek Eńbek jáne halyqty áleýmettik qorǵaý ministrligi ákimdiktermen birlesip, járdemaqylar men tólemderdi taǵaiyndaý kezinde alaiaqtyq jaǵdailardy boldyrmaýǵa baǵyttalǵan keshendi sharalardy qarastyrýy qajet.
