Prezident Qasym-Jomart Toqaevtyń Ulttyq quryltaida jariialaǵan bastamalaryn qoldaý maqsatynda 16 mamyr kúni saǵat 19:00-de Arqalyq qalasynda «Órkendei ber, týǵan ólkem» atty patriottyq aktsiia ótti. Is-sharaǵa Arqalyq pedagogikalyq ýniversiteti men kolledjderdiń 250-den astam stýdenti qatysty, dep habarlaidy Dalanews.kz
Aktsiia monoqalanyń damýyna memleket tarapynan kórsetilgen qoldaýǵa jastardyń rizashylyǵyn bildirýdiń bir kórinisi boldy. Aita keteiik, Memleket basshysy Arqalyqta birqatar iri infraqurylymdyq jobalardy júzege asyrýdy tapsyrdy. Olardyń qatarynda áýejaidyń qaita jańǵyrtylýy jáne «Astana – Yrǵyz» avtojolynyń qurylysy bar. Bul jobalar Torǵai óńiriniń damýyna serpin beredi dep kútilýde.
– Pavlodar qalasynan keldim. Arqalyq maǵan qatty unaidy, osy qalada qalǵym keledi. Qala damyp keledi: áýejai ashylady, jańa jol salynyp jatyr. Prezidentimizdiń Arqalyqty qoldap otyrǵanyna qýanyshtymyn, – dedi Jazira Bolatova, Y. Altynsarin atyndaǵy Arqalyq pedagogikalyq ýniversitetiniń stýdenti.
Qatysýshylar qala kóshelerimen memlekettik týlardy alyp, patriottyq urandarmen júrip ótti. Bul – eldiń damýyna jastardyń qoldaý bildirýiniń aiqyn kórinisi boldy.
– Qalamyzdyń turǵyndary men jastary ózgeristerge óte qýanyshty. Arqalyqqa bólingen kóńil úshin alǵysymyzdy bildirgimiz keledi. Bul jobalar jańa jumys oryndaryn ashyp, bolashaqqa jol ashady, – dep atap ótti Arqalyq qalalyq jastar resýrstyq ortalyǵynyń direktory Daniiar Qojahmetov.
Turǵyndardyń aitýynsha, aldaǵy ýaqytta júzege asyrylatyn jobalar tek Arqalyqqa ǵana emes, jaqyn mańdaǵy aýyldarǵa da oń áserin tigizedi. Jańa investitsiialar tartylyp, kásipkerlik pen infraqurylym damidy, ómir sapasy artady dep kútilýde.
Alǵash bolyp iske asatyn joba – «Ortalyq – Batys» baǵdarlamasy aiasyndaǵy avtojol qurylysy. Qurylys jumystary maýsym aiynda bastalady dep josparlanǵan.
«Órkendei ber, týǵan ólkem» patriottyq aktsiiasy Arqalyq jastarynyń týǵan ólkesiniń bolashaǵyna beijai qaramai, oń ózgeristerge belsendi túrde atsalysýǵa daiyn ekenin taǵy bir márte dáleldedi.
