Qostanai oblysynda «OGNEÝPORSNAB» JShS-niń laýazymdy tulǵalaryna qatysty qylmystyq is tergelýde,- dep habarlaidy Dalanews.kz
Qarjylyq monitoring agenttiginiń (QMA) Qostanai oblysy boiynsha departamenti kásiporynnyń Arqalyq ken ornynan 7 myń tonnadan astam otqa tózimdi saz balshyqty zańsyz óndirip, satqanyn anyqtady.
Agenttik taratqan resmi aqparatqa sáikes, bul áreketter azamattyq-quqyqtyq daý emes, halyqtyń ortaq menshigi sanalatyn tabiǵi resýrstardy urlaý jáne memlekettiń ekonomikalyq ári ekologiialyq múddelerine ziian keltiretin qylmystyq is bolyp baǵalanady.
JShS direktory advokattyń qatysýymen jaýap alynǵan. QMA málimetinshe, onyń quqyqtary tolyq saqtalǵan, qandai da bir májbúrleý sharalary qoldanylǵan joq.
Sonymen qatar agenttik áleýmettik jelilerde A.S. Nurǵazindi qorǵaýǵa baǵyttalǵan keibir jazbalarǵa qatysty pikir bildirip, mundai aqparatty «zańsyz áreketti aqtaý» dep atady.
– Qoǵamdyq keńistikte shyndyqqa sáikes kelmeitin aqparat taratý resmi tergeýge kedergi keltirý bolyp tabylady, – delingen agenttik habarlamasynda.
Tergeý áli de jalǵasýda. QR Qylmystyq-protsessýaldyq kodeksiniń 201-babyna sáikes ózge málimetter jariia etilmeidi.
