Armeniialyq telegram arnalarda Toqaev basyp alynǵan Artsahqa zańsyz sapar jasady degen habarlamalar tarady, - dep habarlaidy Dalanews.kz.
"Qazaqstan prezidenti basyp alynǵan Artsahqa zańsyz saparmen bardy", - delingen Armenian life telegram arnasynda.
Aita keteiik, Artsah - qazirgi Ázerbaijan territoriiasyndaǵy tarihi aimaq. "Artsah" ataýy saiasi leksikonda 1980 jyldardyń aiaǵynda Taýly Qarabaq Avtonomiialyq oblysy men Armian KSR aýmaǵynda buqaralyq qoǵamdyq qozǵalyspen birge paida boldy. KSRO ydyraǵannan keiin jáne táýelsiz memleketter qurylǵannan keiin burynǵy tarihi Artsah territoriiasynyń bir bóligi HH ǵasyrdyń 90-jyldarynyń basynan 2023 jylǵa deiin Ázerbaijannyń halyqaralyq moiyndalǵan territoriiasynyń bóligi bolǵan. Aimaq is júzinde moiyndalmaǵan Taýly Qarabaq Respýblikasynyń baqylaýynda bolǵan. Biraq 2023 jyly Ázerbaijan bul aýmaqty tolyǵymen baqylaýǵa aldy.
Aqordadaǵy resmi málimetke sáikes, Qazaqstan men Ázerbaijan prezidentteri Fizýli qalasyn damytýdyń bas josparymen tanysqan.
Toqaev Ázerbaijan Respýblikasyna jasaǵan memlekettik saparynyń ekinshi kúni Ilham Álievpen birge Fizýli qalasyndaǵy qiraǵan jerlerdi aralap kórip, shahardy damytýǵa arnalǵan bas josparmen tanysqan.
Toqaev pen Álievke qalany jáne onyń tóńiregindegi aýmaqtardy qaita qalpyna keltirý úshin qolǵa alynǵan sharalar týraly málimet berilgen. Sondai-aq shahardyń jańa kelbeti: keleshek ákimshilik ortalyqtyń, saiabaqtyń jáne basqa da mańyzdy nysandardyń eskizderi men jobalary kórsetildi.
Budan bólek, eki el prezidentterine qazirgi ýaqytta qalada aýqymdy qurylys jáne qaita qalpyna keltirý jumystary júrgizilip jatqany jóninde baiandaldy. Byltyr mamyr aiynda qala ishindegi kósheler men joldar jelisiniń negizi qalanyp, aýyzsýmen qamtamasyz etý, káriz jáne jaýyn sýynyń aǵyp ketý júiesin tartý jumystary bastalǵan. Sondai-aq tsifrlyq qosalqy stantsiia men "Fizýli" basqarý ortalyǵy iske qosylǵan kórinedi.
