Armeniia 27 qarashada Bishkekte ótetin Ujymdyq qaýipsizdik sharty uiymynyń (UQShU) sammitine delegatsiia jibermeidi, dep habarlaidy Dalanews.kz.
Bul sheshim resmi túrde jariialanbasa da, armian BAQ-y Erevan sammit úshin ázirlengen qujattarǵa qarsy shyqpaitynyn, sondai-aq Vladimir Pýtinniń sapary qorytyndysyna arnalǵan dástúrli baspasóz sharasyn ótkizý josparlanyp otyrǵanyn jazady.
Sammitke kimder barady?
Bishkektegi jiynǵa Resei prezidenti Vladimir Pýtinnen bólek, Belarýs, Qazaqstan jáne Tájikstan basshylary, sondai-aq Ujymdyq qaýipsizdik keńesine tóraǵalyq etip otyrǵan Qyrǵyzstan prezidenti Sadyr Japarov qatysady.
Armeniianyń UQShU-dan alystaýy buryn bastalǵan
Armeniia men uiym arasyndaǵy salqyndyq birneshe jyldan beri baiqalyp keledi.
2023 jyly Erevan óz aýmaǵynda UQShU jattyǵýlaryn ótkizýden bas tartyp, olardy «orynsyz» dep ataǵan.
2024 jyldyń aqpanynda premer-ministr Nikol Pashinian eldiń UQShU-daǵy músheligi «turaqsyzdanǵanyn» jáne is júzinde «toqtatylǵanyn» málimdegen.
