Jiynǵa oblys ákimimen qatar ««Nur Otan» partiiasy Tóraǵasynyń Birinshi orynbasary Máýlen Áshimbaev, QR Qorǵanys ministriniń orynbasary Baqyt Qurmanbaev, TJD ókili, Qazaqstan Respýblikasynyń Bas sanitar-dárigeri Jandarbek Bekshin, oblys prokýrory,aimaqtyq veterinarlyq inspetsiia ókili qatysty.
Óńir basshysy eldi mazalaǵan ótkir ári ózekti suraqtarǵa jaýap berip, Arystaǵy jaǵdai turaqtalyp, qaýiptiń beti seiilgenin málimdedi.
Qazirgi tańda Arys qalasyndaǵy tótenshe jaǵdai tolyq baqylaýǵa alyndy.
Elimizdiń Qorǵanys ministrligi men Tótenshe jaǵdailar jónindegi komitet, oblys ákimdigi, ishki ister departamentiniń ókilderi tarapynan Arys qalasynda aýqymdy jumystar atqarylýda. Órt tolyq sóndirilip, kósheler men úiler tekserýden ótken.
«Arys qalasyna turǵyndardy apta sońynda kirgizetin bolamyz. Ýaqytyn naqty 28 maýsym kúni habarlap aitamyz. Sebebi, halyqtyń qaýipsizdigi úshin qalany áli de tolyq tazartýymyz qajet. Turǵyndardy qalaǵa kirgizý úshin Arys qalasy 17 sektorǵa bólindi.
Osy sektorlarǵa oblysymyzdyń 16 aýdanynan 640 jaýapty (1 aýdan - 40 adam) azamat bekitildi. Turǵyndar úiine oralǵan soń turǵyn-jailaryna keltirilgen shyǵyndar boiynsha bekitilgen qyzmetkerler foto-videofiksatsiia jasaidy.
Osy materialdar keltirilgen shyǵyndardy esepteýge kómek beredi. Turǵyndardy úilerine ornalastyrý úshin oblystyq politsiia qyzmetkerleri men dárigerler, tótenshe jaǵdai departamenti men quzyrly mekemeler úzdiksiz qyzmet kórsetedi. Arys qalasy tolyq qalpyna keledi. Alańdaityn eshteńe joq. Memleket tarapynan arystyqtarǵa qoldaý kórsetiledi. Bul qiyndyqty da birge eńsere alamyz», - dedi Ó.Shókeev.
Sondai-aq Arysqa arnaiy kelgen «Nur Otan» partiiasy Tóraǵasynyń Birinshi orynbasary Máýlen Áshimbaev apatqa qatysty óz oiyn bildirip, respýblika boiynsha ashylǵan gýmanitaralyq kómek týraly aityp ótti.
«Búgingi tańda 9 oblystan gýmanitarlyq kómek jetkizildi. Barlyq oblystarda Arys qalasyna kómek berý bólimderi ashyldy. Bul – qazaqstandyqtardyń arystyqtarǵa kórsetilip jatqan qaiyrymdylyq sharasy. Aldaǵy ýaqytta qurylys materialdaryn jetkizýge muryndyq bolamyz», dedi.
Aita ketsek, Arystaǵy tótenshe jaǵdaidyń shyǵyny men zardabyn joiý úshin oblys ákimdigi tarapynan arnaiy qor quryldy. Qazirdiń ózinde bul qorǵa 200 mln. teńgeden astam qarjy jinalyp úlgerdi. Óńirlerden gýmanitarlyq kómekter de jetkizilip jatyr. Aldaǵy ýaqytta shyǵyndar kólemi anyqtalǵan soń nysandardy qalpyna keltirý jumystary bastalady.
Túrkistan oblysy ákiminiń baspasóz qyzmeti
