جيىنعا وبلىس اكىمىمەن قاتار ««Nur Otan» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ، ق ر قورعانىس ءمينيسترىنىڭ ورىنباسارى باقىت قۇرمانبايەۆ، تجد وكىلى، قازاقستان رەسپۋبليكاسىنىڭ باس سانيتار-دارىگەرى جانداربەك بەكشين، وبلىس پروكۋرورى،ايماقتىق ۆەتەرينارلىق ينسپەسيا وكىلى قاتىستى.
ءوڭىر باسشىسى ەلدى مازالاعان وتكىر ءارى وزەكتى سۇراقتارعا جاۋاپ بەرىپ، ارىستاعى جاعداي تۇراقتالىپ، ءقاۋىپتىڭ بەتى سەيىلگەنىن مالىمدەدى.
قازىرگى تاڭدا ارىس قالاسىنداعى توتەنشە جاعداي تولىق باقىلاۋعا الىندى.
ەلىمىزدىڭ قورعانىس مينيسترلىگى مەن توتەنشە جاعدايلار جونىندەگى كوميتەت، وبلىس اكىمدىگى، ىشكى ىستەر دەپارتامەنتىنىڭ وكىلدەرى تاراپىنان ارىس قالاسىندا اۋقىمدى جۇمىستار اتقارىلۋدا. ءورت تولىق ءسوندىرىلىپ، كوشەلەر مەن ۇيلەر تەكسەرۋدەن وتكەن.
«ارىس قالاسىنا تۇرعىنداردى اپتا سوڭىندا كىرگىزەتىن بولامىز. ۋاقىتىن ناقتى 28 ماۋسىم كۇنى حابارلاپ ايتامىز. سەبەبى، حالىقتىڭ قاۋىپسىزدىگى ءۇشىن قالانى ءالى دە تولىق تازارتۋىمىز قاجەت. تۇرعىنداردى قالاعا كىرگىزۋ ءۇشىن ارىس قالاسى 17 سەكتورعا ءبولىندى.
وسى سەكتورلارعا وبلىسىمىزدىڭ 16 اۋدانىنان 640 جاۋاپتى (1 اۋدان - 40 ادام) ازامات بەكىتىلدى. تۇرعىندار ۇيىنە ورالعان سوڭ تۇرعىن-جايلارىنا كەلتىرىلگەن شىعىندار بويىنشا بەكىتىلگەن قىزمەتكەرلەر فوتو-ۆيدەوفيكساسيا جاسايدى.
وسى ماتەريالدار كەلتىرىلگەن شىعىنداردى ەسەپتەۋگە كومەك بەرەدى. تۇرعىنداردى ۇيلەرىنە ورنالاستىرۋ ءۇشىن وبلىستىق پوليسيا قىزمەتكەرلەرى مەن دارىگەرلەر، توتەنشە جاعداي دەپارتامەنتى مەن قۇزىرلى مەكەمەلەر ۇزدىكسىز قىزمەت كورسەتەدى. ارىس قالاسى تولىق قالپىنا كەلەدى. الاڭدايتىن ەشتەڭە جوق. مەملەكەت تاراپىنان ارىستىقتارعا قولداۋ كورسەتىلەدى. بۇل قيىندىقتى دا بىرگە ەڭسەرە الامىز»، - دەدى ءو.شوكەيەۆ.
سونداي-اق ارىسقا ارنايى كەلگەن «Nur Otan» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ اپاتقا قاتىستى ءوز ويىن ءبىلدىرىپ، رەسپۋبليكا بويىنشا اشىلعان گۋمانيتارالىق كومەك تۋرالى ايتىپ ءوتتى.
«بۇگىنگى تاڭدا 9 وبلىستان گۋمانيتارلىق كومەك جەتكىزىلدى. بارلىق وبلىستاردا ارىس قالاسىنا كومەك بەرۋ بولىمدەرى اشىلدى. بۇل – قازاقستاندىقتاردىڭ ارىستىقتارعا كورسەتىلىپ جاتقان قايىرىمدىلىق شاراسى. الداعى ۋاقىتتا قۇرىلىس ماتەريالدارىن جەتكىزۋگە مۇرىندىق بولامىز»، دەدى.
ايتا كەتسەك، ارىستاعى توتەنشە جاعدايدىڭ شىعىنى مەن زاردابىن جويۋ ءۇشىن وبلىس اكىمدىگى تاراپىنان ارنايى قور قۇرىلدى. ءقازىردىڭ وزىندە بۇل قورعا 200 ملن. تەڭگەدەن استام قارجى جينالىپ ۇلگەردى. وڭىرلەردەن گۋمانيتارلىق كومەكتەر دە جەتكىزىلىپ جاتىر. الداعى ۋاقىتتا شىعىندار كولەمى انىقتالعان سوڭ نىسانداردى قالپىنا كەلتىرۋ جۇمىستارى باستالادى.
تۇركىستان وبلىسى اكىمىنىڭ باسپا ءسوز قىزمەتى
