Káriz júıelerinde 6 káriz sýyn aıdaý (GKNS, №1, №2, №5, №7 jáne «Kóktem») nysandarynda tómende kórsetilgen aǵymdaǵy jóndeý jumystar atqaryldy. Atap aıtqanda, negizgi jáne káriz sýyn aıdaý stansalarynda árleý jumystary aıaqtalyp, qondyrǵylar (dızeldi generatorlar, elektrotelferler, aýa aıdaǵyshtar, gazoanalızatorlar, syrmalar) ornatylýda. Qosymsha úlken káriz sýyn aıdaý qondyrǵylary ornatyldy.
Sonymen qatar, tótenshe jaǵdaı kezinde Arys kóshelerine de zaqym kelgeni belgili. Osy olqylyqtyń ornyn toltyrý barysynda 37 kóshede asfált salý, aıaqjol salý jumystary aıaqtaldy. 3 kóshede (KH-128 a/j, Ahynbekov, Qonaev) atqarylatyn jumystardyń aýqymdy bolýyna baılanysty jumystar jalǵasýda. 16 kósheniń aıaqjol salý jumystary aıaqtalyp, jaryqtandyrý boıynsha jumystar júrgizilip jatyr. 6 kóshede jaryqtandyrý jumystary júrgizilýde.
Jalpy kóshelerdi jóndeý, jaryqtandyrý, aıaqjol salý jumystarynyń 80 %-ǵa jýyǵy oryndaldy.
