Arystyń mineraldy sýynyń densaýlyqqa paidaly
Búginde osy tabiǵi bailyqty elge qoljetimdi etý úshin tiisti jumystar atqarylyp jatyr. «Arys mineraldy sý» JShS burynǵy eski tsehty jańartyp, qurylysyn biyl aiaqtady. Minaraldy sý shyǵaratyń tsehtyń jalpy quny 250 mln. teńgeni quraǵan. Jobanyń qýattylyǵyna kelsek, munda jylyna 18 mln. litr sý shyǵarýǵa bolady.
Kásiporyn direktory Rýslan Polathanulynyń aitýynsha, Arystyń mineraldy sýynyń densaýlyqqa paidasy zor. Arnaiy ydystarǵa men qutylarǵa quiylǵan sý Arys qalasymen qatar Túrkistan oblysynyń aýdan, qalalaryna tasymaldanyp jatyr. Aldaǵy ýaqytta elimizdiń ózge óńirlerine de shyǵarý josparda bar. Kásipker osy jobany jandandyrý úshin «Damý Óndiris-2» baǵdarlamasy aiasynda 20 mln. teńge kóleminde nesie alǵan. Búginde munda 50 adam jumys isteidi. Olardyń ortasha jalaqysy — 60 myń teńge. Sonymen qatar, seriktestik menshigindegi monsha da qaita jańartylypty. Oǵan 30 mln. teńge investitsiia salynǵan. Qazir bul monsha bir mezgilde 80 adamǵa qyzmet kórsetedi.
Arys qalasyna baspasóz týrymen barǵan BAQ ókilderi Aqdala aýyl okrýgindegi «Qazyna LTD» JShS-niń jumysymen de tanysty. 2012 jyly jumysyn bastaǵan kásiporynǵa «QazAgroQarjy» arqyly 1,87 mlrd. teńge jumsalǵan. Sonymen qatar kásipker jeke qarajaty esebinen 330 mln. teńgeni ainalymǵa salǵan. «Qazyna LTD» JShS-niń málimdeýinshe, qazir munda 870 bas iri qara bar. Ár siyrdan táýligine 21 litr sút saýylady. Jem-shóp te jetkilikti. Sebebi, atalǵan JShS ózine tiesili 3 myń gektar jerdiń 2 myń gektaryna bidai, júgeri jáne jońyshqa egedi. Búginde júzge jýyq turǵyndy jumyspen qamtyp otyrǵan kásiporynda jumyshylardyń ortasha ailyq jalaqysy – 70 myń teńge.
Túrkistan oblysy ákiminiń baspasóz qyzmeti
