بۇگىندە وسى تابيعي بايلىقتى ەلگە قولجەتىمدى ەتۋ ءۇشىن ءتيىستى جۇمىستار اتقارىلىپ جاتىر. «ارىس مينەرالدى سۋ» ج ش س بۇرىنعى ەسكى سەحتى جاڭارتىپ، قۇرىلىسىن بيىل اياقتادى. مينارالدى سۋ شىعاراتىڭ سەحتىڭ جالپى قۇنى 250 ملن. تەڭگەنى قۇراعان. جوبانىڭ قۋاتتىلىعىنا كەلسەك، مۇندا جىلىنا 18 ملن. ليتر سۋ شىعارۋعا بولادى.
كاسىپورىن ديرەكتورى رۋسلان پولاتحان ۇلىنىڭ ايتۋىنشا، ارىستىڭ مينەرالدى سۋىنىڭ دەنساۋلىققا پايداسى زور. ارنايى ىدىستارعا مەن قۇتىلارعا قۇيىلعان سۋ ارىس قالاسىمەن قاتار تۇركىستان وبلىسىنىڭ اۋدان، قالالارىنا تاسىمالدانىپ جاتىر. الداعى ۋاقىتتا ەلىمىزدىڭ وزگە وڭىرلەرىنە دە شىعارۋ جوسپاردا بار. كاسىپكەر وسى جوبانى جانداندىرۋ ءۇشىن «دامۋ ءوندىرىس-2» باعدارلاماسى اياسىندا 20 ملن. تەڭگە كولەمىندە نەسيە العان. بۇگىندە مۇندا 50 ادام جۇمىس ىستەيدى. ولاردىڭ ورتاشا جالاقىسى — 60 مىڭ تەڭگە. سونىمەن قاتار، سەرىكتەستىك مەنشىگىندەگى مونشا دا قايتا جاڭارتىلىپتى. وعان 30 ملن. تەڭگە ينۆەستيسيا سالىنعان. ءقازىر بۇل مونشا ءبىر مەزگىلدە 80 ادامعا قىزمەت كورسەتەدى.
ارىس قالاسىنا باسپا ءسوز تۋرىمەن بارعان ب ا ق وكىلدەرى اقدالا اۋىل وكرۋگىندەگى «قازىنا LTD» ءجشس-نىڭ جۇمىسىمەن دە تانىستى. 2012 جىلى جۇمىسىن باستاعان كاسىپورىنعا «قازاگروقارجى» ارقىلى 1،87 ملرد. تەڭگە جۇمسالعان. سونىمەن قاتار كاسىپكەر جەكە قاراجاتى ەسەبىنەن 330 ملن. تەڭگەنى اينالىمعا سالعان. «قازىنا LTD» ءجشس-نىڭ مالىمدەۋىنشە، ءقازىر مۇندا 870 باس ءىرى قارا بار. ءار سيىردان تاۋلىگىنە 21 ليتر ءسۇت ساۋىلادى. جەم-شوپ تە جەتكىلىكتى. سەبەبى، اتالعان ج ش س وزىنە تيەسىلى 3 مىڭ گەكتار جەردىڭ 2 مىڭ گەكتارىنا بيداي، جۇگەرى جانە جوڭىشقا ەگەدى. بۇگىندە جۇزگە جۋىق تۇرعىندى جۇمىسپەن قامتىپ وتىرعان كاسىپورىندا جۇمىشىلاردىڭ ورتاشا ايلىق جالاقىسى – 70 مىڭ تەڭگە.
تۇركىستان وبلىسى اكىمىنىڭ باسپا ءسوز قىزمەتى
