[caption id="attachment_12567" align="alignright" width="351"]
Biraq mundai daraqylyq, jiyn-toi dese, ishken asyn jerge qoiatyn jastarymyzǵa teris tárbie beretini jasyryn emes. Syrt elden kelgen ánshiler munda Qazaqstanǵa kelip, óziniń mádenietin nasihattaidy. Qazaqtyń qai ánshisi Reseige baryp, jeke kontsertin berip, án salyp jatyr. Eshqaisysy. Áneý bir jyldary Roza Rymbaeva Qazaqstan men Resei arasyndaǵy dostyq jyly kezinde bir ret baryp án salǵany esimizde. Budan basqa Máskeýdi Batyrhan Shúkenovtiń moiyndatqanyn bilemiz.
Kúni keshe ǵana Memleket basshysy Úkimettiń keńeitilgen jiynynda qoiny-qonyshy aqshaǵa tolǵan qaltalylar qaltasyna syimaǵan aqshasyn el ekonomikasyn órkendetýge jumsasyn dep usynys aitty. Orys ánshilerin Qazaqstanǵa magnittei tartatyn orystildi baishykeshterdiń aqshasy. Qarapaiym kópshilik úshin orys ánshileriniń quny bes tiyn. Oryssha sóilep, oryssha oilaityndar qazaqtyń bir ánshisin tyńdamaidy. Olar ózine qajetti jan azyǵyn Reseiden izdeitini jasyryn emes. Bóten eldiń ánshisiniń jolyna Qazaqstanda tapqan aqshasyn shashyp jatqany.
Buǵan tosqaýyl qoiýǵa bola ma? Árine, bolady. Qazirgi tańda atqarýshy bilik qai jerden qarjy taýyp, biýdjettiń búiirin bultitýdy oilap bas qatyrýda. Daǵdarys kezinde kez kelgen salada qarjy tartýdyń jolyn qarastyrý artyqtyq etpeidi. Bizder qarjy men investitsiia tartý tek qana Áset Isekeshev pen Baqyt Sultanovtyń isi ǵana dep oilamaýymyz kerek. Bizdińshe, bul iske Mádeniet jáne sport ministri Arystanbek Muhamediiauly da úles qosýy tiis. Úkimettiń qarjysyn igerýdi biletin Arekeń bizdiń usynysymyzdy estigende «Ákem-aý men qarjyny qaidan tabam?» dep shorshyp túsýi múmkin. Shyndyǵynda, tabýyna bolady. Arekeń qazaq rýhaniiatyn órkendetýge shynymen de yqylasty bolsa, syrttan keletin ánshilerge qomaqty salyq salatyn zań jobasyn daiyndap, Parlamentke alyp barsynshy, depýtat bitkenniń bári qos qolyn kóterip qoldaityny anyq. Sol kezde elimizge kelip, kók qaǵazdy qaltaǵa basyp júrgen orys ánshileri bulaisha tairandamas edi. Qazaqstandy tek qana tabys kózi sanaityn kórshi eldiń ánshileri aiaǵyn baiqap basar edi. Biraq buǵan Arystanbek myrzanyń erik-jigeri jete qoia ma eken?
[caption id="attachment_12568" align="alignright" width="275"]
Qazaq handyǵynyń 550 jyldyǵyna arnalǵan teletoptamyna qarjynyń jetimsizdiginen saǵyzsha sozǵan Arekeń orys ánshilerine arystansha aibat shegip, qazaqtyń yrysyn qorǵaidy degenge eshkim sene qoimas. Biraq bul usynys ultjandy azamattardyń nazarynda júrsin dep ádeii aityp otyrmyz.
Bul rette «sonda syrt eldiń ánshilerin kirgizbeimiz be?» dep shorshyp túsýdiń qajeti joq. Eń bastysy olardyń Qazaqstannan tapqan tabysynyń belgili bir bóligin elde qaldyrýdy zań júzinde retteý qajet. Eger mundai shara qoldanbasaq, bolashaqta orys ánshileri Qazaqstannyń kórnekti sahnalaryn jaýlap, óz ánshilerimiz syrtta qalýy múmkin. Qazirdiń ózinde qazaq ánshileri orys ánshileriniń shylaýynda júrgeni jasyryn emes. Onjyldyq esepti kontsertin ótkizeiin dep otyrǵan áidik ánshi Qairat Nurtastyń ózi «kontserttiń qurmetti qonaǵy – Niýsha men Timati» dep jarnamalap jatyr. Quddy bir Niýsha men Timatidyń jeke kontserti ótetindei.
Mádeniet salasynyń tizginin ustaǵan azamattardyń bostyǵynan qazir orystyń áý dep án salatyn ánshisymaqtary Qazaqstandy tabys tabýdyń kózine ainaldyryp alǵan. Sondyqtan buǵan zań júzinde shekteý qoiatyn kez jetti.
Nurlan JUMAHAN
