Aqmola oblysy Qylmystyq-atqarý júiesi departamenti burynǵy mádeniet ministri jáne Ulttyq mýzeidiń eks-direktory Arystanbek Muhamediuly ashtyq jariialaǵany týraly aqparatqa pikir bildirdi, - dep habarlaidy Dalanews.kz.
Jelide paida bolǵan habarlamada Muhamediuly koloniiada ashtyq jariialaǵany aitylady. Alaida QAJD bul aqparatty teriske shyǵardy.
«Sottalýshy ashtyq jariialaǵan joq. Ol tamaq ishedi, bul beinebaqylaý kameralarynyń jazbalarymen dáleldenedi. Sondai-aq, odan eshqandai shaǵym nemese ótinish túsken joq. Quqyqtyq tártipke sáikes, sottalýshy uialy telefon ustamaidy», – dedi departamenttiń baspasóz qyzmeti ókili Tengrinews.kz-ke.
Sonymen qatar, QAJD jalǵan aqparat taratýǵa jaýapkershilik baryn eske saldy.
Arystanbek Muhamediuly - burynǵy mádeniet jáne sport ministri, sondai-aq Ulttyq mýzeidiń basshysy. 2024 jyly 29 aqpanda ol birneshe qylmystyq bap boiynsha 11 jylǵa bas bostandyǵynan aiyryldy.
Aiyptar arasynda «Altyn adamnyń sherýi» kórmesinde aqsha jymqyrý, laýazymdyq ókilettikti teris paidalaný, «Diplomat» qonaqúiine qatysty reiderlik áreketter jáne para berý áreketi bar.
2024 jyly tamyzda onyń úkimi qaita qaraldy, biraq sot burynǵy sheshimdi ózgerissiz qaldyrdy.
