Sharaǵa óńirimizdiń aýdan, qalalardaǵy mádenıet úıleri men klýbtar janyndaǵy 200-ge jýyq teatr mamandary qatysty.
Arys qalalyq mádenıet úıiniń halyqtyq kórkemóner ujymy drama úıirmesiniń «Isabekov álemi» qoıylymymen bastaý alǵan jıynda Búkilodaqtyq baıqaýdyń laýreaty, M.Áýezov atyndaǵy Ońtústik Qazaqstan memlekettik ýnıversıtetiniń aǵa oqytýshysy Ábilqaıyr Jandarbekovtiń «Rejıser men spektákl. Pesamen jumys isteý kezeńderi» baıandamasyn tyńdap, sheberlikterin shyńdaǵan mamandar «Qazaqstan teatr qaıratkerleri» odaǵynyń múshesi, M. Áýezov atyndaǵy OQ memlekettik ýnıversıtetiniń aǵa oqytýshysy Erlan Satybaldyulynyń «Halyq teatrlaryndaǵy qoıylymdyq jumystyń zamanaýı sıpaty» baıanynan sahnalanýy tıis árbir shyǵarmaǵa jan bitirý men kórermen júregine jetkizý joldary, mán berilýi tıis jaıttar jóninde tyńdap, pikir almasty.
Sondaı-aq, respýblıkalyq, halyqaralyq konkýrstardyń laýreaty, Shymkent qalalyq ázil-syqaq jáne satıra teatrynyń kórkemdik jetekshisi Maqsat Aıtjanovtyń «Halyq teatrlaryndaǵy satıra», Arys qalalyq mádenıet úıiniń halyqtyq kórkemóner ujymy drama úıirmesiniń jetekshi rejıseri Ámirhan Bekádilulynyń «Ónerdiń ózegi – halyq teatry» baıandamalarynda da túrli obrazdardy somdaýda mamanǵa qajetti qabilet pen ózekti máselelerdi qozǵaldy.
Aıta ketsek, qazirgi tańda Túrkistan oblysynyń barlyq aýdan, qalalarynda mádenıet úıleri jáne klýbtarda drama úıirmesi jumys jasasa, onyń 16-sy halyqtyq teatr ujymy ataǵyn alǵan.
