Biyl Memleket basshysynyń tapsyrmasymen «Taza Qazaqstan» ekoaktsiiasy bastaldy. Igi aktsiia aiasynda qala ákimi Gúljan Qurmanbekovanyń bastamasymen qalaǵa kireberis Arys ózeni janyndaǵy 0,65 ga aýmaqqa jemis aǵashtary otyrǵyzylǵan bolatyn, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Búginde kóktemde otyrǵyzylǵan jemis baýyn túletýge «Jasyl Arys» KMM-niń mamandary bel sheshine kiristi.
Kóshetterdi turaqty túrde tirshilik nárimen qamtamasyz etýge 400 tekshe metrdi quraityn arnaiy bassein men eki dana sý aidaý motory ornatyldy. Sýdy únemdeý ári ónimdilikti qamtamasyz etý úshin ár kóshettiń túbine tamshylatyp sýǵarý júiesi endirilgen. Janynda ornalasqan ózen sýynan qorektenýi de jemis aǵashtarynyń tez boi alyp, ónýine de septigin tigizbek.
Búginde munda alma, órik, shabdaly, jańǵaq, tut, jide sekildi jemis aǵashtary tamyr jaiyp, jasyl japyraqqa boialǵan. Jemi baýy turaqty kútimniń arqasynda aldaǵy ýaqytta turǵyndarǵa ári saia ári jemis bolar demalys aimaǵyna ainalary sózsiz.
