بيىل مەملەكەت باسشىسىنىڭ تاپسىرماسىمەن «تازا قازاقستان» ەكواكسياسى باستالدى. يگى اكسيا اياسىندا قالا اكىمى گۇلجان قۇرمانبەكوۆانىڭ باستاماسىمەن قالاعا كىرەبەرىس ارىس وزەنى جانىنداعى 0،65 گا اۋماققا جەمىس اعاشتارى وتىرعىزىلعان بولاتىن، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
بۇگىندە كوكتەمدە وتىرعىزىلعان جەمىس باۋىن تۇلەتۋگە «جاسىل ارىس» كمم-نىڭ ماماندارى بەل شەشىنە كىرىستى.
كوشەتتەردى تۇراقتى تۇردە تىرشىلىك نارىمەن قامتاماسىز ەتۋگە 400 تەكشە مەتردى قۇرايتىن ارنايى باسسەين مەن ەكى دانا سۋ ايداۋ موتورى ورناتىلدى. سۋدى ۇنەمدەۋ ءارى ونىمدىلىكتى قامتاماسىز ەتۋ ءۇشىن ءار كوشەتتىڭ تۇبىنە تامشىلاتىپ سۋعارۋ جۇيەسى ەندىرىلگەن. جانىندا ورنالاسقان وزەن سۋىنان قورەكتەنۋى دە جەمىس اعاشتارىنىڭ تەز بوي الىپ، ونۋىنە دە سەپتىگىن تيگىزبەك.
بۇگىندە مۇندا الما، ورىك، شابدالى، جاڭعاق، تۇت، جيدە سەكىلدى جەمىس اعاشتارى تامىر جايىپ، جاسىل جاپىراققا بويالعان. جەمى باۋى تۇراقتى كۇتىمنىڭ ارقاسىندا الداعى ۋاقىتتا تۇرعىندارعا ءارى سايا ءارى جەمىس بولار دەمالىس ايماعىنا اينالارى ءسوزسىز.
