Memleket basshysy N.Á.Nazarbaevtyń 2018 jyldyń 5 qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halyna arnaǵan Jolaýynyń úshinshi tarmaǵynda: «Quqyq qorǵaý organdarynyń jumysyna tereń jáne sapaly ózgerister qajet. Qaýipsizdik turmys sapasynyń ajyramas bóligi bolyp sanalady» dep atap ótken bolatyn.

Osy oraıda, búgin qala ákimdiginiń úlken májilis zalynda 2018 jyldyń 10 aıynda Arys aýdanynyń polısıa bóliminiń qyzmetkerleri men atqarǵan jedel jumystarynyń qorytyndysy boıynsha halyqqa esep berý jıyny ótti.

Qala ákiminiń orynbasary S.Dáribaı tóraǵalyq etken jıynǵa Túrkistan oblysynyń polısıa departamenti Anyqtaý basqarmasynyń bastyǵy polısıa polkovnıgi B.Zıataev, Arys aýdany prokýrorynyń orynbasry A.Kabdýrahmanov, qalalyq máslıhat hatshysy A.Baıtanaev, aýyldyq okrýg ákimderi, Arys aýdandyq polısıa bóliminiń qyzmetkerleri, qalalyq máslıhat depýtattary, mekemeler men bólim qyzmetkerleri, jastar jáne qala turǵyndary qatysty.

Jıynda Arys aýdandyq polısıa bóliminiń bastyǵy, polısıa polkovnıgi Isabekov Nurlan Amangeldiulynyń baıandamasy tyńdalyp, jıynǵa qatysýshylar tarapynan baıandamashyǵa suraqtar qoıylyp, usynystar berilip, olardyń oryndalýy baqylaýǵa qoıyldy.

 

Arys qalasy ákiminiń baspasóz qyzmeti