Osy oraıda, jańadan salynǵan Dermene aýyldyq okrýgi, Sanaly eldi mekeninen 150 oryndyq «Qarajantaq» jalpy orta mektebiniń saltanatty ashylý rásimi ótti.
Bilim oshaǵynyń ashylý rásimine qala ákimi M.Qadyrbek, «Nur Otan» Partıasy Arys qalalyq fılıalynyń tóraǵasy I.Qalıev, qalalyq bilim bóliminiń basshysy Á.Musaev, mekeme, bólim basshylary men qyzmetkerleri, aýyldyq okrýg ákimderi, zıaly qaýym ókilderi, aýyl turǵyndary jáne BAQ ókilderi qatysty.
Atalǵan mektepter zamanaýı qural-jabdyqtarmen, kompúter kabıneti, fızıka-hımıa kabınetteri men ınteraktıvti taqta jáne oqýshylardy eńbekke baýlıtyn arnaıy kabınetter talapqa saı jabdyqtalǵan. Ashylý rásiminde qalalyq mádenıet úıiniń ónerpazdary konserttik baǵdarlama uıymdastyryp, óz ónerlerin kórsetti.
Aıta keteıik, búgingi tańda Arys qalasynda apatty mektepter men úsh aýysymda bilim beretin mekemeler joq. Qala aýmaǵynda 40 bilim oshaǵy bolsa, onyń 26-sy jalpy orta mektep statýsyn ıelense, 5-ýi bastaýysh, al 9-y shaǵyn jınaqty mektepter qataryna kiredi.
Arys qalasy ákiminiń baspasóz qyzmeti
