مەملەكەت باسشىسى نۇرسۇلتان نازاربايەۆ: «بولاشاققا باعدار: رۋحاني جاڭعىرۋ» باعدارلامالىق ماقالاسىندا «ءبىلىمدى، كوزى اشىق، كوكىرەگى وياۋ بولۋعا ۇمتىلۋ – ءبىزدىڭ قانىمىزدا بار قاسيەت. سەبەبى قۇندىلىقتار جۇيەسىندە ءبىلىمدى بارىنەن بيىك قوياتىن ۇلت قانا تابىسقا جەتە الادى» دەگەن بولاتىن.

وسى ورايدا، جاڭادان سالىنعان دەرمەنە اۋىلدىق وكرۋگى، سانالى ەلدى مەكەنىنەن 150 ورىندىق «قاراجانتاق» جالپى ورتا مەكتەبىنىڭ سالتاناتتى اشىلۋ ءراسىمى ءوتتى.

ءبىلىم وشاعىنىڭ اشىلۋ راسىمىنە قالا اكىمى م.قادىربەك، «نۇر وتان» پارتياسى ارىس قالالىق فيليالىنىڭ ءتوراعاسى ي.قالييەۆ، قالالىق ءبىلىم ءبولىمىنىڭ باسشىسى ءا.مۇسايەۆ، مەكەمە، ءبولىم باسشىلارى مەن قىزمەتكەرلەرى، اۋىلدىق وكرۋگ اكىمدەرى، زيالى قاۋىم وكىلدەرى، اۋىل تۇرعىندارى جانە ب ا ق وكىلدەرى قاتىستى.

اتالعان مەكتەپتەر زاماناۋي قۇرال-جابدىقتارمەن، كومپيۋتەر كابينەتى، فيزيكا-حيميا كابينەتتەرى مەن ينتەراكتيۆتى تاقتا جانە وقۋشىلاردى ەڭبەككە باۋليتىن ارنايى كابينەتتەر تالاپقا ساي جابدىقتالعان. اشىلۋ راسىمىندە قالالىق مادەنيەت ءۇيىنىڭ ونەرپازدارى كونسەرتتىك باعدارلاما ۇيىمداستىرىپ، ءوز ونەرلەرىن كورسەتتى.

ايتا كەتەيىك، بۇگىنگى تاڭدا ارىس قالاسىندا اپاتتى مەكتەپتەر مەن ءۇش اۋىسىمدا ءبىلىم بەرەتىن مەكەمەلەر جوق. قالا اۋماعىندا 40 ءبىلىم وشاعى بولسا، ونىڭ 26-سى جالپى ورتا مەكتەپ ستاتۋسىن يەلەنسە، 5ء-ۋى باستاۋىش، ال 9-ى شاعىن جيناقتى مەكتەپتەر قاتارىنا كىرەدى.

 

ارىس قالاسى اكىمىنىڭ باسپا ءسوز قىزمەتى