Nátıjesinde Eýropalyq qaıta qurý jáne damý banki (EQQDB) fransýzdyq Urbasolar SAS kompanıasynyń Qazaqstandaǵy kún elektr stansasyn (SES) salýǵa arnalǵan jobasyn qoldaý úshin 8,8 mln. AQSH dollary shamasynda nesıe bóletin bolsa, al taza tehnologıalar qory jeńildetilgen 3,9 mln. AQSH dollary kólemindegi qarjymen qamtamasyz etpek.
Jobany «Kaz Green Tek Solar» JSHS-niń arnaıy jobalyq kompanıasy júzege asyratyn bolady. Al onyń negizgi aksıoneri Urbasolar SAS kompanıasy bolyp tabylady.
Jańa «Zadarıa» kún elektr stansasy Qazaqstannyń energetıkalyq teńgerimine kún energıasyn óndirýge arnalǵan qýattylyqty 14 MVt-qa arttyrmaq, sonyń nátıjesinde qoldanystaǵy jáne josparlanǵan qalpyna keletin energıa generatorlarynyń jalpy belgilengen qýaty 365 MVt-qa jetetin bolady.
– Biz Qazaqstan men Ortalyq Azıada fotovoltaıkı tehnologıasy elektr energıasy óndirisinde óte mańyzdy ról atqaratynyna senimdimiz. Bul joba kún qondyrǵysynyń tehnıkalyq sıpattamalary men ekonomıkalyq tıimdiligin kórsetedi. Biz osy jobany júzege asyrý úshin 4 jyl boıy daıyndyq jumystaryn júrgizdik, – dedi Urbasolar SAS kompanıasynyń prezıdenti Arno Mın.
Aıta keteıik, búginde Ońtústik Qazaqstan oblysynda Elbasymyz bekitken «Jasyl ekonomıkaǵa kóshý» konsepsıasy nátıjeli oryndalýda. Atalǵan konsepsıaǵa saı byltyrǵy jyly Saıram, Qazyǵurt aýdandarynda eki shaǵyn sý elektr stansıasy el ıgiligine berildi. Sondaı-aq, Shymkent qalasynan Orta Azıada teńdesi joq bıogaz qondyrǵysy kesheni iske qosyldy. Budan bólek, Saryaǵash jáne Maqtaaral aýdandarynda eki iri kún elektr stansıalarynyń qurylys jumystary bastaý aldy. 2018 jyly Tólebı aýdanynda qýaty 2,5 megavatt shaǵyn sý elektr stansıasy paıdalanýǵa beriledi dep kútilýde. Odan bólek, Saryaǵash aýdanynda jalpy qýaty 5 megavatt shaǵyn sý elektr stansıasy men Otyrar aýdanynda qýaty 35 megavatt kún elektr stansıasynyń qurylysyn júrgizý josparlanyp otyr.
OQO ákiminiń baspasóz qyzmeti
