Memlekettik mereke qarsańynda arystyqtar qoldaryna ketpen pen kúrek ustap qala kóshelerine senbilikke shyqty, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Búgingi senbilikte ár sektor ózderine tıesili aýmaqqa tazalyq jumystaryn júrgizip, qoqystardy shyǵaryp, aramshópterdi otady.

Tazalyq sharasynda memlekettik qyzmetkerlerden bólek mekeme, kásiporyn, ujymdardan belsendi azamattar shyǵyp, abattandyrýǵa atsalysty. Mundaı tazalyq jumystary barlyq aýyldyq okrýgterde de atqaryldy. Sala mamandarynan qurylǵan jumysshy top qala turǵyndaryna úıleriniń mańaıyndaǵy jerlerdi taza ustaý jóninde túsindirme jumystary júrgizdi.

Tazalyq barysynda «Khazakh Real Stroy» mekemesi arnaıy tehnıka kómegimen qoqystardy jınap, tasymaldaýdy qolǵa aldy. Mundaı sharalar qalanyń ekologıalyq ahýalyn jaqsartýǵa jáne turǵyndardyń ómir súrý sapasyn arttyrýǵa septigin tıgizetini sózsiz.

Aldaǵy ýaqytta qalada osyndaı senbilikter jalǵasady.